ഇന്ത്യ വീണ്ടും ലോകത്തിന് മുന്നില് മാതൃകയാവുന്നു... ഹൈഡ്രോക്സി ക്ലോറോക്വിന് മരുന്ന് കയറ്റുമതി നിയന്ത്രണത്തില് ഇളവുമായി കേന്ദ്രം...
ഹൈഡ്രോക്സി ക്ലോറോക്വിന് മരുന്ന് കയറ്റുമതി നിയന്ത്രണത്തില് ഇളവുമായി കേന്ദ്രം. നിര്ത്തലാക്കിയ തീരുമാനത്തില് ചെറിയ മാറ്റം വരുത്തി ഇന്ത്യ വീണ്ടും ലോകത്തിന് മുന്നില് മാതൃകയാവുകയാണ്. ഇതൊരു അടിയന്തര സാഹചര്യമാണ്. അത് കൃത്യമായി മനസിലാക്കി ഉചിതമായ തീരുമാനമെടുത്ത് ലോകരാജ്യങ്ങളെ സഹായിക്കുകയാണ് ഇന്ത്യ.
എച്സിക്യു ഇന്ത്യയുടെ മാന്ത്രിക മരുന്നോ എന്നൊരു ചോദ്യം കഴിഞ്ഞ കുറച്ചുദിവസമായി ഉയരുകയാണ്. ഇന്ത്യയുടെ കൊറോണ ഡ്രഗ് ആവശ്യപ്പെട്ട് ലോക രാജ്യങ്ങള് വന്നതോടെയാണ് ആ ചോദ്യം ശക്തിപ്പെട്ടത്. കഴിഞ്ഞ 24 മണിക്കൂറിനുള്ളില് ഹൈഡ്രോക്സിക്ലോറോക്വിന് എന്ന മരുന്ന് കോറോണാവൈറസിന്റെ (കോവിഡ്19) ചികിത്സയില് താരപദവിയിലേക്കെത്തിയിരിക്കുന്നു എന്നു വേണം പറയാന്. അമേരിക്കന് പ്രസിഡന്റ് ഡൊണാള്ഡ് ട്രംപ് ഈ മരുന്ന് കോവിഡിനെതിരെ ഉപയോഗിക്കുന്ന കാര്യം പ്രോത്സാഹിപ്പിക്കുന്നു എന്നതു കൂടാതെ, ഇന്ത്യയോട് ഈ മരുന്ന് കയറ്റുമതി ചെയ്യുന്നതില് മാര്ച്ച് 26ന് ഏര്പ്പെടുത്തിയ നിരോധനം എടുത്തകളയണമെന്ന് അഭ്യര്ഥിക്കുകയും ചെയ്തതോടെയാണ് എച്സിക്യു കോവിഡ്-19നെതിരെയുള്ള മാന്ത്രികമരുന്നായി തീരുകയാണോ എന്ന സംശയമുയര്ന്നിരിക്കുന്നത്. ഇതായിരിക്കാം കാത്തിരുന്ന മിറാക്കിള് ഡ്രഗ് എന്ന രീതിയില് പലയിടങ്ങളില് നിന്നു പ്രതികരണങ്ങള് വരുന്നു എന്നതും ശ്രദ്ധേയമാണ്.
ബ്രസീലിയന് പ്രസിഡന്റ് അടക്കമുള്ള പല രാജ്യത്തലവന്മാരും മരുന്ന് കയറ്റുമതി പുനരാരംഭിക്കണമെന്ന് ഇന്ത്യന് അധികാരികളോട് അഭ്യര്ഥിച്ചിരിക്കുകയാണ്. മലേറിയയ്ക്ക് എതിരെയും അമീബിസൈഡ് ആയും ഉപയോഗിച്ചു വരുന്ന മരുന്നാണ് ക്ലോറോക്വിന് ഫോസ്ഫേറ്റ്. മലേറിയ വരാതിരിക്കാനും വന്നു കഴിഞ്ഞ് ചികിത്സയ്ക്കായും ഇത് ഉപയോഗിക്കുന്നുണ്ട് എന്നാണ് അമേരിക്കന് നാഷണല് ലൈബ്രറി ഓഫ് മെഡിസിന് പറയുന്നത്. ആമവാതം കുറയ്ക്കാനും ഇത് ഉപയോഗിക്കുന്നു. മറ്റു ചില രോഗങ്ങളുടെ ചികിത്സയ്ക്കും ഇത് ഉപയോഗിച്ചു വരുന്നു. എച്സിക്യു ടാബ്ലറ്റിന് രോഗം വരാതിരിക്കാന് നല്കുന്ന മരുന്ന് ആയി പ്രവര്ത്തിക്കാന് സാധിക്കുമെന്നാണ് സര്ക്കാരുകള് കരുതുന്നത്. ഇത് കൊറോണാവൈറസിനെതിരെ പ്രവര്ത്തിക്കുന്ന ആരോഗ്യപ്രവര്ത്തകര്ക്കും മറ്റും നല്കാനായേക്കുമെന്നും കരുതുന്നു.
അതേസമയം ഈ സമയം വരെ, കൊറോണാവൈറസിനെതിരെ ഇതൊരു മരുന്നാണ് എന്ന കാര്യത്തില് ശാസ്ത്രീയമായ ഒരു തെളിവും കിട്ടിയിട്ടില്ല. അങ്ങനെ ആയിരിക്കാനുള്ള സാധ്യത ആരും തള്ളിക്കളയുന്നില്ല. അതിനുള്ള മെഡിക്കല് തെളിവുകള് വരും ദിവസങ്ങളില് മാത്രമേ ലഭ്യമാകൂ
"
https://www.facebook.com/Malayalivartha