കോവിഡ്: ചികിത്സാ സൗകര്യങ്ങളെ മൂന്നായി തിരിച്ചുള്ള പൊതുപ്രവര്ത്തനച്ചട്ടം കേന്ദ്രം സംസ്ഥാനങ്ങള്ക്കയച്ചു
കോവിഡ് രോഗികളില് ഗുരുതര പ്രശ്നമില്ലാത്തവരെ പ്രത്യേക ആശുപത്രികളില് ചികിത്സിക്കേണ്ടതില്ലെന്ന് കേന്ദ്ര ആരോഗ്യമന്ത്രാലയം. കോവിഡ് രോഗികള്ക്കും രോഗം സംശയിക്കുന്നവര്ക്കുമുള്ള ചികിത്സാ സൗകര്യങ്ങളെ മൂന്നായി തിരിച്ചുള്ള പൊതുപ്രവര്ത്തനച്ചട്ടം കേന്ദ്രം സംസ്ഥാനങ്ങള്ക്കയച്ചു.
നിലവില് രോഗം സ്ഥിരീകരിച്ചവരില് സ്ഥിതി ഗുരുതരമല്ലാത്ത ഇവരെയെല്ലാം 70 % പേരാണുള്ളത്.ഇവരെ പ്രത്യേക ആശുപത്രിയില് ചികിത്സിക്കേണ്ടതില്ല.
ചികിത്സാ കേന്ദ്രങ്ങളെ പരിചരണ കേന്ദ്രം, ആരോഗ്യ കേന്ദ്രം, പ്രത്യേക ആശുപത്രി എന്നിങ്ങനെ മൂന്നായി തരംതിരിക്കണം. ആംബുലന്സ് സൗകര്യം മൂന്നിടത്തും വേണം.
പരിചരണകേന്ദ്രങ്ങള് രോഗം ഒട്ടും രൂക്ഷമല്ലാത്തവര്ക്കും രോഗം സംശയിക്കുന്നവര്ക്കും. ഹോസ്റ്റലുകള്, ഹോട്ടലുകള്, സ്കൂള്, സ്റ്റേഡിയം, ലോഡ്ജ് തുടങ്ങിയവ പരിചരണ കേന്ദ്രങ്ങളാക്കാം. ക്വാറന്റീന് ക്യാംപുകളായി ഉപയോഗിച്ച സ്ഥലങ്ങളും പരിഗണിക്കാം.
ആരോഗ്യകേന്ദ്രങ്ങളില് രോഗബാധിതരില് ഇടത്തരം ആരോഗ്യപ്രശ്നമുള്ളവരെ ചികില്സിക്കാം. സ്വകാര്യ ആശുപത്രികളെയടക്കം ഇതിനുപയോഗിക്കാം. ആശുപത്രിയുടെ ഒരു ബ്ലോക്ക് ഇങ്ങനെ മാറ്റുന്നതും പരിഗണിക്കാം. ശ്വസന സഹായികളോടു കൂടിയ കിടക്കകളടക്കം ഉറപ്പാക്കണം.
പ്രത്യേക ആശുപത്രികള് രോഗം അതിഗുരുതരമായവര്ക്കു മാത്രമായിരിക്കണം. തീവ്രപരിചരണ വിഭാഗം, വെന്റിലേറ്റര് തുടങ്ങിയവ ഉറപ്പാക്കണം.
രോഗം സംശയിക്കുന്നവരെയും രോഗബാധിതരെയും വെവ്വേറെ ചികിത്സിക്കണം. ഇടകലര്ത്തിയുള്ള ചികിത്സ ഒരു കേന്ദ്രത്തിലും പാടില്ല.
https://www.facebook.com/Malayalivartha