കൊറോണ ഭീതിക്കിടെ നിരവധി വ്യാജ വാർത്തകളാണ് പുറത്തേക്ക് വരുന്നത്. ഇതിനെതിരെ കടുത്ത നടപടിയുമായി അധികൃതർ രംഗത്തെത്തുകയും ചെയ്തു. ഗോമൂത്രം സേവിച്ചാല്‍ കോവിഡില്‍ നിന്ന്​ രക്ഷ നേടാമെന്നതുള്‍പ്പെടെ കോവിഡിനെ പ്രതിരോധിക്കാമെന്ന പേരില്‍ വ്യാജവും വിചിത്രവുമായ പല അവകാശവാദങ്ങള​ും നമ്മുടെ രാജ്യത്ത് ഉയര്‍ന്നു വരുന്നുണ്ട്​​. അത്തരത്തിലുള്ളൊരു വാദവുമായി​ യോഗ ഗുരു ബാബ രാംദേവ് രംഗത്തേക്ക് എത്തിയിരിക്കുകയാണ്.​.

അതായത് കടുകെണ്ണ മൂക്കി​ലൊഴിച്ചാല്‍ ശ്വാസനാളിയി​ല്‍ കൊറോണ വൈറസ് സന്നിധ്യമുണ്ടെങ്കില്‍ അത്​​ വയറ്റിലേക്ക്​ ഒഴുകിയെത്തുകയും വയറ്റിലെ ആസിഡുമായി ചേര്‍ന്ന്​ ചത്തുപോവുകയും ചെയ്യുമെന്നാണ്​​ രാംദേവി​​െന്‍റ അവകാശവാദം ഉന്നയിക്കുന്നത്. തൊണ്ട ചേര്‍ത്തുകൊണ്ടുള്ള 'ഉജ്ജായ്​ ശ്വാസം' എടുത്തുള്ള പ്രാണായാമം കോവിഡി​​െന്‍റ പ്രതിരോധിക്കുമെന്നും രാംേദവ്​ അവകാശപ്പെടുകയാണ് ചെയ്തത്.

അതോടൊപ്പം തന്നെ ''കൊറോണ വൈറസിന് ഉജ്ജായ്​ എന്ന​ ഒരു പ്രത്യേകതരം പ്രാണായാമമ​ുണ്ട്​. ഇതില്‍ നിങ്ങളുടെ തൊണ്ട ചേര്‍ത്ത്​ മൂക്കിലൂടെ ശ്വാസമെടുക്കുക​, അല്‍പനേരം ശ്വാസം പിടിച്ചു നിര്‍ത്തുക, ശേഷം പതിയെ പുറത്തേക്ക്​ വിടുകയാണ്​ ചെയ്യേണ്ടത്​.'' എന്നും രാംദേവ്​ പറഞ്ഞു.ഇങ്ങനെ ചെയ്യുന്നത്​ കോവിഡ്​ ഉണ്ടോ എന്നറിയാനുള്ള സ്വയം പരിശോധനയാണെന്നും അദ്ദേഹം കൂട്ടിച്ചേര്‍ത്തു.

''ഹൃദയസംബന്ധമായ പ്രശ്​നങ്ങളോ, മാനസിക സമ്മര്‍ദമോ, പ്രമേഹമോ ഉള്ളവര്‍ക്കും പ്രായമായവര്‍ക്കും അവരുടെ ശ്വാസം 30 സെക്കന്‍ഡും​ ചെറുപ്പക്കാര്‍ക്ക്​ ഒരു മിനിറ്റ്​ നേരവും പിടിച്ചുവെക്കാം. ഇത്​ അര്‍ഥമാക്കുന്നത്​ നിങ്ങള്‍ക്ക്​ ലക്ഷണങ്ങളോടു കൂടിയതും അല്ലാ​ത്തതുമായ കോവിഡ്​ 19 ഇല്ലെന്നാണ്​''. എന്നും രാംദേവ്​ പറയുകയുണ്ടായി.

എന്നാൽ തന്നെയും രാജ്യത്ത്​ 24000ത്തില്‍പരം ആളുകള്‍ക്കാണ് ഇതുവരെ കോവിഡ്​ സ്ഥിരീകരിച്ചത്​. 775 പേര്‍ മരണത്തിന്​ കീഴടങ്ങുകയും ചെയ്​തു. 5,062 പേര്‍ രോഗമുക്തരായിട്ടുണ്ട്​.