മണിപ്പൂര് മുഖ്യമന്ത്രിയായി യുംനാം ഖേംചന്ദ് സത്യപ്രതിജ്ഞ ചെയ്തു
മണിപ്പൂര് മുഖ്യമന്ത്രിയായി ബിജെപി നേതാവും സിങ് ജൈമ നിയോജകമണ്ഡലത്തില് നിന്നുള്ള എംഎല്എയുമായ യുംനാം ഖേംചന്ദ് സത്യപ്രതിജ്ഞ ചെയ്തു. കുക്കി - നാഗ വിഭാഗങ്ങളില് നിന്നായി രണ്ട് ഉപമുഖ്യമന്ത്രിമാരും സത്യപ്രതിജ്ഞ ചെയ്തു.
മണിപ്പൂര് ലോക് ഭവനില് നടന്ന ചടങ്ങില് ഗവര്ണര് അജയ് കുമാര് ഭല്ലയാണ് സത്യവാചകം ചൊല്ലി കൊടുത്തത്. മണിപ്പൂരില് സമാധാന അന്തരിക്ഷം കൊണ്ടുവരാന് കഴിയുമെന്ന് ആണ് പ്രതീക്ഷ എന്നും 2047ല് മണിപ്പൂര് വീക്ഷിത് ഭാരതില് പ്രധാന പങ്ക് വഹിക്കുമെന്നും മുഖ്യമന്ത്രി യുംനാം ഖേംചന്ദ് പറഞ്ഞു.
കുക്കി വിഭാഗത്തില് നിന്നുള്ള വനിതാ നേതാവ് നെംചാ കിപ്ജെനും നാഗ വിഭാഗത്തില് നിന്നുള്ള ലോസി ദിഖോയും ഉപമുഖ്യമന്ത്രിമാരായി ചുമതലയേറ്റു.
ഡല്ഹിയില് നിന്ന് ഓണ്ലൈനായി ആണ് നെംചാ കിപ്ജെന് സത്യപ്രതിജ്ഞ ചെയ്തത് ബിജെപിയില് നിന്നും നാഗ പീപ്പിള്സ് പാര്ട്ടിയില് നിന്നും ഒരോ എം എല് എ മാരും മന്ത്രിമാരായി സത്യപ്രതിജ്ഞ ചെയ്തു. കുക്കി മെയ്തയ് വിഭാഗങ്ങള് തമ്മിലുണ്ടായ സംഘര്ഷത്തെ തുടര്ന്ന് ഏര്പ്പെടുത്തിയ രാഷ്ട്രപതി ഭരണം ഒരുവര്ഷം തികയാന് ദിവസങ്ങള് മാത്രം ബാക്കി നില്ക്കെ ആയിരുന്നു സര്ക്കാര് രൂപീകരണം.
https://www.facebook.com/Malayalivartha
