തമിഴ് സിനിമാ താരങ്ങള്‍ക്ക് ദുസ്വപ്‌നമായി മാറിയിരിക്കുകയാണ് ഗായികയും റേഡിയോ ജോക്കിയുമായ സുചിത്ര കാര്‍ത്തിക്. താരങ്ങള്‍ എല്ലാവരും എന്ന് പറഞ്ഞുകൂട, ധനുഷാണ് പ്രധാന ലക്ഷ്യം. ധനുഷുമായി ബന്ധമുള്ളവരുമുണ്ട് ചിത്രത്തില്‍. നടിമാരുടേതെന്ന പേരില്‍ നഗ്‌നചിത്രങ്ങള്‍ പുറത്തുവിട്ട സുചി ഏറ്റവും ഒടുവില്‍ ആളുകളെ ഞെട്ടിച്ചിരിക്കുന്നത് ധനുഷും അമലാപോളും ഒരുമിച്ചുള്ള ഒരു വീഡിയോയിലൂടെയാണ്.

തമിഴിലെ മുന്‍നിര നായകന്മാരില്‍ ഒരാളാണ് ധനുഷ്. അമലാപോളാകട്ടെ തമിഴിലും മലയാളത്തിലും ഒരുപോലെ സജീവം. വിവാഹബന്ധം പിരിഞ്ഞു നില്‍ക്കുന്ന അമലാപോളിന്റെ ഒരു വീഡിയോ ആണ് ഇപ്പോള്‍ സോഷ്യല്‍ മീഡിയയിലെ ചര്‍ച്ച. അതേക്കുറിച്ച് പറയും മുമ്പ് സുചിത്ര ഇത് വരെ മുന്നറിയിപ്പ് നല്‍കി പൊട്ടിച്ച ചില ബോംബുകള്‍ കാണാം.മലയാളിയായ അമലാ പോളിന്റെ ലീലകള്‍ എന്ന പേരില്‍ സുചിത്ര കാര്‍ത്തിക് കുറേ ചിത്രങ്ങള്‍ കഴിഞ്ഞ ദിവസം പുറത്ത് വിട്ടിരുന്നു. മൂന്ന് ചിത്രങ്ങള്‍ കൂട്ടി വെട്ടിയൊട്ടിച്ച നിലയിലായിരുന്നു ഈ ട്വീറ്റ്. അമലാ പോളിനെ പ്രേക്ഷകര്‍ ഒരിക്കലും കാണാന്‍ ആഗ്രഹിക്കാത്ത തരത്തിലുള്ള ചിത്രമാണ് പ്രിയപ്പെട്ട നടിയുടേത് എന്ന പേരില്‍ പുറത്തായത്. ഇത് കണ്ട ആരാധകര്‍ ഷോക്കായിപ്പോയി.

മലയാളത്തില്‍ നിന്ന് തമിഴിലെത്തിയ നടി പാര്‍വ്വതി നായരും ധനുഷും ഒരുമിച്ചുള്ള വീഡിയോ താന്‍ പരസ്യമാക്കും എന്നൊരു ഭീഷണി സുചിത്ര മുഴക്കിയിരുന്നു. ധനുഷിന് പല നടിമാരുമായും ബന്ധമുണ്ട് എന്ന ആരോപണത്തിന് പിന്നാലെയായിരുന്നു ഇത്. നിമര്‍ന്തു നില്‍ എന്ന ചിത്രത്തിലൂടെയാണ് മലയാളിയായ പാര്‍വ്വതി തമിഴില്‍ എത്തിയത്.നയന്‍താരയുടെ സ്വകാര്യ ചിത്രങ്ങളും വീഡിയോകളും രാത്രി 12 മണിയോടെ ട്വീറ്റ് ചെയ്യുമെന്നാണ് സുചിത്ര ഭീഷണി മുഴക്കിയത്. നയന്‍താരയുടെ മാത്രമല്ല, നയന്‍താരയുടെയും തൃഷയുടെയുമൊക്കെ വീഡിയോയും ഫോട്ടോകളും ലീക്കാക്കുമെന്നാണ് സുചിത്ര പറയുന്നത്. നയന്‍താര പ്രമുഖ സംവിധായകനും നടനുമൊപ്പം പാര്‍ട്ടിയില്‍ പങ്കെടുത്ത കാര്യം പറഞ്ഞുകൊണ്ടാണ് ഇത്.

സുചിത്ര ഭീഷണി മുഴക്കിയതിന് പിന്നാലെ പാര്‍വ്വതി പ്രതികരണവുമായി വന്നത് ട്വിറ്റരാദികളെയും സംശയിപ്പിച്ചിരുന്നു. സുചിത്ര പറയുന്നത് പോലെ ഒരു വീഡിയോ ഉണ്ട് എന്നാണ് സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ വര്‍ത്തമാനം നടന്നത്. അങ്ങനെ ഒരു വീഡിയോ ഇല്ലെങ്കില്‍ പിന്നെ എന്തിനാണ് പാര്‍വ്വതി ഉടനടി ഒരു പ്രതികരണവുമായി വന്നത്? ഇതാണ് ചോദ്യം.

സുരഭി, ഹന്‍സിക, നയന്‍താര ഇവരില്‍ ആരുടെ കാര്യമാണ് അടുത്തതായി പറയേണ്ടത് എന്ന് സുചിത്ര ചോദിച്ചപ്പോള്‍ ഫോളോവേഴ്്സ് ആവശ്യപ്പെട്ടത് നയന്‍താരയുടെ വീഡിയോ വേണമെന്നാണ്. നയന്‍താരയെ കുറിച്ച് എന്തെങ്കിലും പറയുമോ എന്ന് ഒരു ആരാധകന്‍ ചോദിക്കുകയും ചെയ്തു. തമിഴ് നായികമാരുടെ ലീലകള്‍ ഞാന്‍ അപ് ലോഡ് ചെയ്യുന്നു എന്ന് പറഞ്ഞുകൊണ്ടാണ് സുചി നയന്‍സിനെ ലക്ഷ്യം വെച്ചത്.ഇതിന് മാത്രം സംശയം തോന്നാന്‍ പാര്‍വ്വതി പറഞ്ഞത് എന്താണെന്നല്ലേ. പൊതു സ്ഥലത്ത് ഇത്തരത്തില്‍ ചിലര്‍ക്കെതിരെ ആരോപണങ്ങള്‍ ഉന്നയിക്കുന്നത് ക്രിമനല്‍ കുറ്റമാണെന്നായിരുന്നു പാര്‍വ്വതിയുടെ പ്രതികരണം. ഈ അസംബന്ധം നിര്‍ത്തുമെന്ന് പ്രതീക്ഷിക്കുന്നു എന്നും പാര്‍വ്വതി പറഞ്ഞു. കമല്‍ ഹാസനൊപ്പം ഉത്തമ വില്ലന്‍ എന്ന ചിത്രത്തില്‍ ഒരുപാട് ശ്രദ്ധിക്കപ്പെട്ട നടിയാണ് പാര്‍വ്വതി. ധനുഷും പാര്‍വ്വതിയും ഒന്നിച്ച് അഭിനയിച്ചിട്ട് പോലുമില്ല. അത് വേറെ കാര്യം.

പാര്‍വ്വതിയുടെ ട്വീറ്റിന് താഴെ സുചിത്ര മറുപടി പറഞ്ഞത് ഇങ്ങനെ: കുറ്റം ചെയ്തവരല്ലേ ഭയക്കേണ്ടതുള്ളൂ. പാര്‍വ്വതിയുടെ വീഡിയോ ഉണ്ടാവാം എന്ന തരത്തിലുള്ള കമന്റുകളും പിന്നാലെ വന്നു. സുചിത്ര ഭീഷണിപ്പെടുത്തിയപ്പോള്‍ സംശയം മാത്രമേ ഉണ്ടായിരുന്നുള്ളൂ എന്നും, എന്നാല്‍ പാര്‍വ്വതിയുടെ വീഡിയോ ഉണ്ടാകും എന്ന് ഉറപ്പായി എന്നും ചില സിനിമാ ആരാധകരും പറഞ്ഞു.

കയ്യില്‍ കിട്ടിയ ചിത്രങ്ങള്‍ തോന്നിയ പടി അപ്‌ലോഡ് ചെയ്യുകയല്ല സുചിത്ര ചെയ്യുന്നത്. എന്നെ ഇഷ്ടപ്പെടുന്നവരോട് ഞാന്‍ ചോദിയ്ക്കുന്നു, വീഡിയോ അപ്ലോഡ് ചെയ്യണമോ വേണ്ടയോ എന്ന സുചിത്രയുടെ പോളിന് 90 ശതമാനം പേരും വേണം എന്ന് പറഞ്ഞപ്പോള്‍ 10 ശതമാനം ആളുകളാണ് വേണ്ട എന്ന് ആവശ്യപ്പെട്ടത്. ഈ പോള്‍ കൂടി പരസ്യമാക്കിയാണ് നായികമാരുടെ വീഡിയോ അപ് ലോഡ് ചെയ്യും എന്ന് സുചിത്ര പറയുന്നത്.

പ്രമുഖ നടിയായ സഞ്ജിത ഷെട്ടിയുടേത് എന്ന പേരില്‍ സുചിത്രയുടെ ട്വിറ്റര്‍ പേജിലൂടെ നഗ്‌നവീഡിയോ അപ്‌ലോഡ് ചെയ്യപ്പെട്ടിരുന്നു. പ്രശസ്തരായ പല സിനിമാ താരങ്ങളും സോഷ്യല്‍ മീഡിയയിലൂടെയും അല്ലാതെയും ഇതിനെതിരെ രംഗത്ത് വന്നു. വീഡിയോ തന്റേതല്ല എന്ന് ട്വിറ്റര്‍ വീഡിയോയിലൂടെ തന്നെ സഞ്ജിതഷെട്ടി വ്യക്തമാക്കുകയും ചെയ്തു.ഇത് ഹന്‍സികയുടെ ലീലകള്‍ എന്ന പേരില്‍ നടി ഹന്‍സികയുടെ ഒരു ഗ്രൂപ്പ് ഫോട്ടോ പോസ്റ്റ് ചെയ്തു. സോ കോള്‍ഡ് അഡ്ജസ്റ്റ്‌മെന്റിന്റെ കൂടുതല്‍ ചിത്രങ്ങള്‍ കാണാം എന്നൊരു മെസേജും സുചിത്ര കാര്‍ത്തിക് ഇതിനിടയില്‍ ട്വീറ്റ് ചെയ്തു. കൂടുതല്‍ നടിമാരും നടിമാരും എക്‌സ്‌പോസ് ചെയ്യപ്പെടാന്‍ പോകുന്നു എന്നും സുചിത്ര കാര്‍ത്തിക് പറഞ്ഞു. വെയിറ്റ് ഫോര്‍ ഷോക്കര്‍..ഇതായിരുന്നു സന്ദേശം.പിന്നാലെ ടെലിവിഷന്‍ വീഡിയോ ജോക്കി ദിവ്യദര്‍ശിനിയുടെ ലീലകള്‍ എന്ന് പറഞ്ഞ് കെട്ടിപ്പിടിച്ചുനില്‍ക്കുന്ന ചിത്രങ്ങള്‍ വീണ്ടും പോസ്റ്റ് ചെയ്തു. ഇതാ കാണൂ ഇത്തവണ ധനുഷിന്റെ അടുത്ത സുഹൃത്ത് എന്ന് പറഞ്ഞ് അനിരുന്ധിന്റെ ചിത്രങ്ങള്‍ പുറത്ത് വിട്ടു. വെയിറ്റ് ഫോര്‍ മോര്‍ ഷോക്ക്‌സ് എന്നൊരു താക്കീതും സുചിത്ര കാര്‍ത്തിക് ട്വിറ്റരാദികള്‍ക്ക് കൊടുത്തിരുന്നു.രാത്രിയില്‍ ഒരു പാര്‍ട്ടിക്ക് പോയപ്പോഴാണ് ധനുഷും അനിരുദ്ധും തന്നെ ബലാത്സംഗം ചെയ്തത് എന്ന് സുചിത്ര പറയുന്നു. താന്‍ മദ്യപിച്ചിരുന്നു. എന്നാല്‍ അവിടെ വെച്ച് മയക്കുമരുന്ന് നല്‍കിയ ശേഷം ധനുഷും സംഗീത സംവിധായകന്‍ അനിരുദ്ധും ചേര്‍ന്ന് ബലാത്സംഗം ചെയ്തു. തുടര്‍ച്ചയായ ചില ട്വീറ്റുകളിലൂടെയാണ് സുചിത്ര ശനിയാഴ്ച ധനുഷിനെതിരെ ഇക്കാര്യങ്ങള്‍ പറഞ്ഞത്.

ആരുടേതാണ് ആ വീഡിയോ ക്ലിപ് രണ്ടുപേരും എന്നോടൊത്ത് സെക്‌സ് ചെയ്തു. എന്നെ കിടക്കിയില്‍ വിട്ട് പോയി. ഞാന്‍ ഉണരുമ്പോള്‍ രണ്ടുപേരും വീഡിയോ ക്ലിപ്പുകള്‍ കാണുകയായിരുന്നു. ചിന്മയിയുടെ വീഡിയോ ക്ലിപ്പാണ് ഇരുവരും കണ്ടിരുന്നത്. ഇത് ഏതാനും വര്‍ഷങ്ങള്‍ക്ക് മുമ്പേ പകര്‍ത്തിയതാണ്. ധനുഷിന് മറ്റ് നടിമാരുമായും ബന്ധമുള്ളതായി സുചിത്ര ആരോപിക്കുന്നു.ധനുഷും അമലാ പോളും തമ്മില്‍ ബന്ധമുണ്ട്. ധനുഷും പാര്‍വതി നായരും തമ്മിലും ബന്ധമുണ്ട്. ചിന്മയിയും അനിരുദ്ധും തമ്മിലുള്ള അരുതാത്ത ബന്ധമുണ്ട്. ഇതിന്റെ തെളിവുകളും മറ്റും പുറത്തുവിടും എന്നും റേഡിയോ ജോക്കിയും ഗായികയുമായ സുചിത്ര കാര്‍ത്തികിന്റെ ട്വിറ്റര്‍ അക്കൗണ്ടിലൂടെ വെല്ലുവിളി നടക്കുന്നുണ്ട്.

ധനുഷും അമലാ പോളും തമ്മിലുള്ള വീഡിയോ ഒന്നും മറയ്ക്കാതെ കൃത്യം 9 മണിക്ക് പോസ്റ്റ് ചെയ്യും എന്നാണ് സുചിത്ര ഭീഷണി മുഴക്കുന്നത്. തടയാമെങ്കില്‍ തടഞ്ഞോളൂ എന്നും തങ്ങളുടെ പ്രിയപ്പെട്ട നായകനെ അരുതാത്ത രീതിയില്‍ കാണണ്ട എന്നുള്ളവര്‍ ഫോളോ ചെയ്യുന്നത് നിര്‍ത്തി പോയ്‌ക്കോളൂ എന്നും സുചിത്രയുടേതെന്ന് കരുതപ്പെടുന്ന ട്വിറ്റര്‍ അക്കൗണ്ടില്‍ പറയുന്നു.