തുര്‍ക്കിഷ് എയര്‍ലൈന്‍സ് വിമാനത്തിന്റെ എന്‍ജിനില്‍ തീപിടിത്തം ഉണ്ടായി. കാഠ്മണ്ഡുവില്‍ നിന്ന് ഇസ്താംബൂളിലേക്ക് സര്‍വീസ് നടത്തുകയായിരുന്ന തുര്‍ക്കിഷ് 727 വിമാനത്തിലാണ് സംഭവം. തുടര്‍ന്ന് കൊല്‍ക്കത്ത അന്താരാഷ്ട്ര വിമാനത്താവളത്തില്‍ അടിയന്തിര ലാന്‍ഡിങ് നടത്തി. 255 യാത്രക്കാരാണ് വിമാനത്തില്‍ ഉണ്ടായിരുന്നത്.

നിലവില്‍ ആശങ്കപ്പെടേണ്ട സാഹചര്യം ഇല്ല. എല്ലാ യാത്രക്കാരെയും സുരക്ഷിതമായി പുറത്തിറക്കി. ഇന്ന് ഉച്ചയ്ക്ക് 1.30 ന് കാഠ്മണ്ഡുവിലെ ത്രിഭുവന്‍ അന്താരാഷ്ട്ര വിമാനത്താവളത്തില്‍ നിന്ന് പുറപ്പെട്ട വിമാനത്തിന്റെ വലത് എഞ്ചിനില്‍ ആണ് തീപിടുത്തം ഉണ്ടായത്. പിന്നീട് ഈ എന്‍ജിന്‍ പൈലറ്റ് താത്കാലികമായി ഓഫ് ചെയ്യുകയായിരുന്നു. കൊല്‍ക്കത്ത വിമാനത്താവളത്തില്‍ കൂടുതല്‍ പരിശോധന പുരോഗമിക്കുകയാണ്.