ഓഹരിവിപണിയും നഷ്‌ടത്തിൽ....

ഡോളറിനെതിരെ ഒറ്റ ദിവസത്തെ ഏറ്റവും വലിയ മുന്നേറ്റം കാഴ്ചവെച്ച രൂപയ്ക്ക് ഇന്ന് ഇടിവ്. വ്യാപാരത്തിന്റെ തുടക്കത്തിൽ 22 പൈസയുടെ നഷ്ടമാണ് രൂപ നേരിട്ടത്. 90.54 എന്ന നിലയിലേക്കാണ് രൂപയുടെ മൂല്യം താഴ്ന്നത്.

ഇന്നലെ ഇന്ത്യ- അമേരിക്ക വ്യാപാര കരാറിന്റെ പിൻബലത്തിലാണ് രൂപ വൻമുന്നേറ്റം കാഴ്ചവെച്ചത്. ഒറ്റയടിക്ക് 117 പൈസയുടെ നേട്ടമാണ് രൂപ ഇന്നലെ കൈവരിച്ചത്. ഇന്നലെ 1.28 ശതമാനമാണ് രൂപ മുന്നേറിയത്.

ഇന്ത്യ- അമേരിക്ക വ്യാപാര കരാർ ഇനി യാഥാർഥ്യമാകേണ്ടതുണ്ട്. ഇതുസംബന്ധിച്ച് കൂടുതൽ വിവരങ്ങൾ പുറത്തുവരാനിരിക്കുകയാണ്. അതിനാൽ നിക്ഷേപകർ കരുതലോടെയാണ് വിപണിയിൽ ഇടപെടുന്നത്.

അതിനിടെ വ്യാപാരത്തിന്റെ ആരംഭത്തിൽ കുതിച്ച ഓഹരി വിപണി പിന്നീട് നഷ്ടത്തിലേക്ക് വീണു. നിലവിൽ ചാഞ്ചാട്ടത്തിന്റെ പാതയിലാണ് ഓഹരി വിപണി. ഇന്നലെ വിദേശനിക്ഷേപകർ 5236 കോടിയുടെ ഓഹരികളാണ് വാങ്ങിക്കൂട്ടിയത്. ഒരിടവേളയ്ക്ക് ശേഷം സെൻസെക്‌സ് 2000ലധികം പോയിന്റ് ആണ് ഇന്നലെ മുന്നേറിയത്.
. ബജാജ് ഫിനാൻസ്, എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക് ഓഹരികൾ നേട്ടം കരസ്ഥമാക്കി. പ്രധാനമായി ഇൻഫോസിസ്, ടിസിഎസ് ഓഹരികളാണ് ഇന്ന് നഷ്ടം നേരിടുന്നത്.