കൊറോണ വ്യാപനത്തിന്റെ പശ്ചാത്തലത്തിൽ ജന്മനാട്ടിലേക്ക് എത്താനുള്ള ഏറെനാളായുള്ള പ്രവാസികളുടെ ആഗ്രഹം സഫലമാകാൻ ഇനി മണിക്കൂറുകൾ മാത്രം. ഇത്തരത്തിൽ മണിക്കൂറുകൾ മാത്രം ബാക്കി നിൽക്കെ വിദേശത്തുനിന്നു പ്രവാസികളുമായി കേരളത്തിലേയ്ക്ക് എത്തുന്ന വിമാനങ്ങളുടെ സമയക്രമം പ്രഖ്യാപിച്ചു. ചുമതലപ്പെടുത്തിയിട്ടുള്ള എയര്‍ ഇന്ത്യ എക്സ്പ്രസ് വിമാനങ്ങളുടെ സമയക്രമമാണ് പ്രഖ്യാപിച്ചിരിക്കുന്നത്.

അതോടൊപ്പം തന്നെ വ്യാഴാഴ്ച എയര്‍ഇന്ത്യ എക്സ്പ്രസ് മൂന്ന് സര്‍വീസ് നടത്തും. അബുദാബി-കൊച്ചി വിമാനം രാത്രി 9.40നും ദോഹ-കൊച്ചി വിമാനം രാത്രി 10.45നും ദുബായ്-കോഴിക്കോട് വിമാനം രാത്രി 9.40നും എത്തിച്ചേരുന്നതായിരിക്കും.

തുടർന്ന് വെള്ളിയാഴ്ച ബഹ്റിന്‍-കൊച്ചി വിമാനം രാത്രി 10.50നാണ് എത്തുക. ശനിയാഴ്ച കുവൈത്ത്-കൊച്ചി വിമാനം രാത്രി 9.15നും മസ്‌ക്കറ്റ്-കൊച്ചി വിമാനം രാത്രി 8.50നും എത്തിച്ചേരുകയും ചെയ്യും. തുടർന്ന് ഞായറാഴ്ച ദോഹ-തിരുവനന്തപുരം വിമാനം രാത്രി 10.45നും ക്വലാലംപൂര്‍-കൊച്ചി വിമാനം രാത്രി 10.15നും വന്നിറങ്ങും. 11-ന് ബഹ്റൈന്‍-കോഴിക്കോട് വിമാനം രാത്രി 11.20നും ദുബായ-കൊച്ചി വിമാനം രാത്രി 10.10നും എത്തിച്ചേരും.12-ന് ക്വലാലംപൂര്‍-കൊച്ചി വിമാനം രാത്രി 10.15നും സിങ്കപ്പൂര്‍-ബെംഗളുരു-കൊച്ചി വിമാനം രാത്രി 10.50നും എത്തും.13-ന് കുവൈത്ത്-കോഴിക്കോട് വിമാനം രാത്രി 9.15ന് എത്തിച്ചേരും.

ഇതേതുടർന്ന് എയര്‍ഇന്ത്യ എക്സ്പ്രസ് കൂടാതെ എയര്‍ഇന്ത്യയും സര്‍വീസ് നടത്തുന്നുണ്ട്. ഓരോ രാജ്യത്തെയും ഇന്ത്യന്‍ എംബസികള്‍ യാത്രക്കാരുടെ മുന്‍ഗണന ലിസ്റ്റ് തയ്യാറാക്കി വിമാനകമ്പനികള്‍ക്ക് നല്‍കിയിട്ടുണ്ട് എന്നാണ് ലഭ്യമാകുന്ന വിവരം. ഈ ലിസ്റ്റ് പ്രകാരമാണ് ടിക്കറ്റ് അനുവദിക്കുന്നത് തന്നെ. അതോടൊപ്പം തന്നെ പ്രവാസികള്‍ക്ക് ഏഴ് കിലോ തൂക്കം വരുന്ന ഹാന്‍ഡ്ബാഗേജും 25 കിലോ തൂക്കം വരുന്ന ചെക്ക്ഇന്‍ ബാഗേജും സൗജന്യമായി കൊണ്ടുവരാവുന്നതുമാണ്.