സേലത്തിനു സമീപമുണ്ടായ ബസ് അപകടത്തില്‍ പരിക്കേറ്റ ഡ്രൈവര്‍ മരിച്ചു... ബംഗളൂരുവില്‍ മലയാളികളുമായി നാട്ടിലേക്ക് വന്ന ബസാണ് അപകടത്തില്‍പെട്ടത്
സേലത്തിനു സമീപമുണ്ടായ ബസ് അപകടത്തില്‍ പരിക്കേറ്റ ഡ്രൈവര്‍ മരിച്ചു. തൃശൂര്‍ സ്വദേശിയായ ബസ് ഡ്രൈവര്‍ ഷഹീറാണ് മരിച്ചത്. അടുത്ത സെപ്റ്റംബര്‍ ഏഴിന് വിവാഹം നിശ്ചയിച്ചിരിക്കുകയായിരുന്നു. ബംഗളൂരുവില്‍ മലയാളികളുമായി നാട്ടിലേക്ക് വന്ന ബസാണ് അപകടത്തില്‍പെട്ടത്. സേലത്തിനു സമീപത്തായി കരൂര്‍ ഹൈവേയില്‍വച്ച് ബസും ടാങ്കര്‍ ലോറിയും തമ്മില്‍ കൂട്ടിയിടിക്കുകയായിരുന്നു. ബസില്‍ 26 പേരാണുണ്ടായിരുന്നത്.
ബംഗളൂരുവില്‍ കുടുങ്ങിക്കിടന്ന മലയാളി വിദ്യാര്‍ത്ഥികള്‍ അടങ്ങിയ സംഘം നാട്ടിലേക്ക് വരുന്നതിനിടെ ടാങ്കര്‍ ലോറിയുമായി കൂട്ടിയിടിച്ചാണ് അപകടം. ജയ് ഗുരു എന്ന ബസ് തമിഴ്നാട്ടിലെ കരൂരില്‍ വെച്ചാണ് അപകടത്തില്‍പ്പെട്ടത്.
ജീവനക്കാര്‍ അടക്കം 26 പേരാണ് ബസില്‍ ഉണ്ടായിരുന്നത്. കോട്ടയം, ഇടുക്കി ജില്ലകളില്‍ നിന്നുള്ള നഴ്‌സിങ് വിദ്യാര്‍ത്ഥികളായിരുന്നു യാത്രക്കാരില്‍ ഏറെയും. പരിക്കേറ്റ 18 പേരെ അമരാവതി ആശുപത്രിയില്‍ പ്രവേശിപ്പിച്ചിരിക്കുകയാണ്.
https://www.facebook.com/Malayalivartha
