രാജ്യം കോവിഡ് ഭീക്ഷണിയെ അഭിമുഖീകരിച്ച സാഹചര്യത്തിൽ പ്രതിരോധം എന്ന നിലക്ക് ലോക് ഡൗൺ മാത്രമാണ് പ്രതിവിധി. അതുകൊണ്ടുതന്നെയാണ് രാജ്യത്തെ പ്രദേശങ്ങളെ തമ്മിൽ ബന്ധിപ്പിക്കുന്ന റയിൽവേ സംവിധാനവും നിര്ത്തലാക്കിയത്. എന്നാലിപ്പോൾ ഘട്ടം ഘട്ടമായി സേവനങ്ങള്‍ പുനരാരംഭിക്കാനുള്ള ശ്രമത്തിലാണ് ഇന്ത്യന്‍ റെയില്‍വേ. മെയ് 12 മുതല്‍ തീവണ്ടികള്‍ക്കായുള്ള ബുക്കിങ് ഐആര്‍സിടിസി വെബ്‌സൈറ്റില്‍ ആരംഭിച്ചിട്ടുണ്ട്. ഇന്ന് വൈകിട്ട് നാലിനാണ് ബുക്കിങ് ആരംഭിച്ചത്. ഡല്‍ഹിയില്‍ നിന്നും തിരിച്ചും 15 റൂട്ടുകളിലാണ് തീവണ്ടി ഗതാഗതം ആരംഭിക്കുക.

റെയില്‍വേസ്റ്റേഷനുകളിലെ ടിക്കറ്റ് കൗണ്ടറുകളില്‍ നിന്ന് പ്ലാറ്റ്‌ഫോം ടിക്കറ്റുകള്‍ ഉള്‍പ്പടെയുള്ള ടിക്കറ്റുകളൊന്നും ലഭിക്കില്ല. അതിനിടെ സന്ദര്‍ശകരുടെ തിരക്ക് മൂലം ഐആര്‍സിടിസി വെബ്‌സൈറ്റ് ക്രാഷ് ആയി. പലര്‍ക്കും വെബ്‌സൈറ്റ് കിട്ടുന്നില്ലെന്ന പരാതി ഉയരുകയാണ്. .

ഡല്‍ഹിയില്‍ നിന്ന് ദിബ്രുഗഡ്‌, അഗര്‍ത്തല,ഹൗറ, പാറ്റ്‌ന, ബിലാസ്പുര്‍, റാഞ്ചി, ഭുവനേശ്വര്‍, സെക്കന്ദരാബാദ്, ബംഗളുരു, ചെന്നൈ, തിരുവനന്തപുരം, മഡ്ഗാവ്, മുംബൈ സെന്‍ട്രല്‍, അഹമ്മദാബാദ്, ജമ്മുതാവി എന്നിവടങ്ങളിലേക്കാണ് പ്രത്യേക ട്രെയിനുകളുള്ളത്.

രാജധാനി ടിക്കറ്റുകള്‍ക്കുള്ള പോലെ തന്നെയാവും ടിക്കറ്റ് നിരക്ക്. തത്കാല്‍ ടിക്കറ്റുകളും വെയിറ്റിങ് ലിസ്റ്റ് ടിക്കറ്റുകളും അനുവദിക്കില്ല. കണ്‍ഫേം ആയ ടിക്കറ്റുകള്‍ ഉള്ള യാത്രക്കാരെ മാത്രമേ സ്റ്റേഷനുകളില്‍ പ്രവേശനം അനുവദിക്കൂ. കോവിഡ്-19 ലക്ഷണങ്ങളില്ലാത്തവരെ ട്രെയിനില്‍ കയറാന്‍ അനുവദിക്കും. യാത്രക്കാര്‍ മാസ്‌ക് ധരിക്കുകയും സ്‌ക്രീനിങിന് വിധേയരാവുകയും വേണം.

രാജ്യത്ത് ട്രെയിന്‍ സര്‍വീസുകള്‍ പുനരാരംഭിക്കുന്നതിന്റെ ഭാഗമായി ഡല്‍ഹിയില്‍ നിന്ന് തിരുവനന്തപുരത്തേക്ക് ആഴ്ചയില്‍ മൂന്നു സര്‍വീസ് ആണ് നടപ്പിലാക്കുക. ആദ്യയാത്ര മറ്റന്നാള്‍ തുടങ്ങും. ചൊവ്വാഴ്ചയും ഞായറാഴ്ചയും സര്‍വീസ് ഉണ്ടാകും. ചൊവ്വ, വ്യാഴം, വെളളി ദിവസങ്ങളില്‍ തിരുവനന്തപുരത്ത് നിന്ന് തിരിച്ചും സര്‍വീ്സ് നടത്തും. തിരുവനന്തപുരത്തിനു പുറമേ കോഴിക്കോട്ടും എറണാകുളത്തും ആണ് സ്റ്റോപ്ല്. ആലപ്പുഴ വഴിയുളള ട്രെയിന് കേരളത്തില്‍ എട്ട് സ്റ്റോപ്പുകള്‍ ഉണ്ടാകും.

നിറുത്തിവച്ച ട്രെയിന്‍ സര്‍വീസുകള്‍ നാളെ മുതല്‍ തുടങ്ങാനിരിക്കെ ആ​ഭ്യ​ന്ത​ര വി​മാ​ന സ​ര്‍​വീ​സു​ക​ള്‍ പു​ന​രാ​രം​ഭി​ക്കാനും കേന്ദ്രസര്‍ക്കാര്‍ ഒരുങ്ങുകയാണ്. മേ​യ് പ​തി​നേ​ഴോ​ടെ രാ​ജ്യ​ത്ത് വി​മാ​ന സ​ര്‍​വീ​സു​ക​ള്‍ ഘ​ട്ടം ഘ​ട്ട​മാ​യി പു​ന​രാ​രം​ഭി​ച്ചേ​ക്കു​മെ​ന്ന റി​പ്പോ​ര്‍​ട്ടു​ക​ളാണ് പുറത്തുവരുന്നത്. കൊവിഡ് ​വ്യാ​പ​നം ത​ട​യു​ന്ന​തി​ന്‍റെ ഭാ​ഗ​മാ​യി മാ​ര്‍​ച്ച്‌ 23മുതല്‍ ആ​ഭ്യ​ന്ത​ര വി​മാ​ന സ​ര്‍​വീ​സു​ക​ള്‍ നിറുത്തിവച്ചിരുന്നു.

വാ​ണി​ജ്യ​വി​മാ​ന​ങ്ങ​ളു​ടെ അ​വ​സാ​ന​വ​ട്ട ത​യ്യാ​റെ​ടു​പ്പു​ക​ള്‍ പ​രി​ശോ​ധി​ക്കാ​ന്‍ ബ്യൂ​റോ ഓ​ഫ് സി​വി​ല്‍ ഏ​വി​യേ​ഷ​ന്‍ സെ​ക്യൂ​രി​റ്റി​യും ഡ​യ​റ​ക്ട​റേ​റ്റ് ജ​ന​റ​ല്‍ ഓ​ഫ് സി​വി​ല്‍ ഏ​വി​യേ​ഷ​നും തി​ങ്ക​ളാ​ഴ്ച വി​വി​ധ വി​മാ​ന​ത്താ​വ​ള​ങ്ങ​ള്‍ സ​ന്ദ​ര്‍​ശി​ച്ചതായാണ് റിപ്പോര്‍ട്ടുകള്‍.. ആ​ഭ്യ​ന്ത​ര സ​ര്‍​വീ​സു​ക​ള്‍ പു​ന​രാ​രം​ഭി​ക്കാ​ന്‍ കേ​ന്ദ്ര​സ​ര്‍​ക്കാ​രി​ന്‍റെ അ​നു​മ​തി​ക്കാ​യി കാ​ത്തി​രി​ക്കു​ക​യാ​ണ് വി​മാ​ന​ക്കമ്ബനി​ക​ള്‍. ഡ​ല്‍​ഹി, മു​ബയ്, ബം​ഗ​ളു​രു തു​ട​ങ്ങി​യ ന​ഗ​ര​ങ്ങ​ളു​മാ​യി ബ​ന്ധ​പ്പെ​ട്ടാ​യി​രി​ക്കും ആ​ദ്യം സ​ര്‍​വീ​സ് പു​ന​രാ​രം​ഭി​ക്കു​യെ​ന്നും റി​പ്പോ​ര്‍​ട്ടി​ല്‍ പ​റ​യു​ന്നു.

ആ​ദ്യ​ഘ​ട്ട​ത്തി​ല്‍ 25 ശ​ത​മാ​നം റൂ​ട്ടു​ക​ളി​ലാ​ണു സ​ര്‍​വീ​സ് ന​ട​ത്തു​ക. എ​ത്തി​ച്ചേ​രാ​ന്‍ ര​ണ്ടു​മ​ണി​ക്കൂ​റി​ല്‍ താ​ഴെ സ​മ​യം വേ​ണ്ട​യി​ട​ങ്ങ​ളി​ലേ​ക്കു​ള്ള യാത്രകള്‍ക്ക് ഭ​ക്ഷ​ണം വി​ത​ര​ണം ചെ​യ്യി​ല്ല. യാ​ത്ര​ക്കാ​ര്‍ നി​ര്‍​ബ​ന്ധ​മാ​യും മൊ​ബൈ​ലി​ല്‍ ആ​രോ​ഗ്യ​സേ​തു ആ​പ്പ് ഡൗ​ണ്‍​ലോ​ഡ് ചെ​യ്ത് ഉ​പ​യോ​ഗി​ക്ക​ണ​മെ​ന്നും റി​പ്പോ​ര്‍​ട്ടു​ണ്ട്..