രഞ്ജി ട്രോഫി.... ഇന്‍ഡോറിലെ ഹോള്‍ക്കര്‍ സ്റ്റേഡിയത്തിൽ കേരളം ഇന്ന് മധ്യപ്രദേശിനെതിരെ മത്സരിക്കും...
രഞ്ജി ട്രോഫിയില്‍ കേരളം ഇന്ന് മധ്യപ്രദേശിനെതിരെ. ഇന്‍ഡോറിലെ ഹോള്‍ക്കര്‍ സ്റ്റേഡിയത്തിലാണ് മത്സരം നടക്കുക. കഴിഞ്ഞ കളിയില്‍ സൗരാഷ്ട്രയ്‌ക്കെതിരെ കാഴ്ചവച്ച മികച്ച പ്രകടനത്തിന്റെ ആത്മവിശ്വാസവുമായാണ് കേരളം കളിക്കാനിറങ്ങുന്നത്.
ആദ്യ ഇന്നിങ്‌സ് ലീഡിന്റെ മികവില്‍ മത്സരത്തില്‍ നിന്ന് കേരളം മൂന്ന് പോയിന്റ് സ്വന്തമാക്കിയിട്ടുണ്ടായിരുന്നു. ഇതുള്‍പ്പടെ കേരളത്തിന് ആകെ അഞ്ച് പോയിന്റാണുള്ളത്. മറുവശത്ത് നാല് കളികളില്‍ നിന്ന് 15 പോയിന്റുമായി ബി ഗ്രൂപ്പില്‍ ഒന്നാം സ്ഥാനത്താണ് മധ്യപ്രദേശ്.
മധ്യപ്രദേശിനെതിരായ മത്സരത്തിന് മുന്നോടിയായി കേരള ടീമില്‍ ചില മാറ്റങ്ങള്‍ വരുത്തി. പരിക്കിനെ തുടര്‍ന്ന് എ കെ ആകര്‍ഷിനെയും എന്‍ പി ബേസിലിനെയും ടീമില്‍ നിന്ന് ഒഴിവാക്കി. പകരം അഭിഷേക് ജെ നായര്‍, അഭിജിത് പ്രവീണ്‍, വൈശാഖ് ചന്ദ്രന്‍, ശ്രീഹരി എസ് നായര്‍, വി അജിത് എന്നിവരെ ഉള്‍പ്പെടുത്തി 18 അംഗ ടീമിനെയാണ് പ്രഖ്യാപിച്ചിരിക്കുന്നത്.
മറുവശത്ത് ശുഭം ശര്‍മ്മയുടെ കീഴിലാണ് മധ്യപ്രദേശ് കളിക്കാനിറങ്ങുക. യഷ് ദുബെ, ഹര്‍പ്രീത് സിങ് തുടങ്ങിയ മികവുറ്റ താരങ്ങളും മധ്യപ്രദേശ് ടീമിലുണ്ട്.
"
https://www.facebook.com/Malayalivartha
