രാജ്യത്ത് ലോക്ക്ഡൗണ്‍ നീട്ടിയേക്കുമെന്ന് സൂചന. രാജ്യത്തെ മുഖ്യമന്ത്രിമാരുമായുള്ള പ്രധാനമന്ത്രിയുടെ ചര്‍ച്ച അവസാനിച്ച വേളയിലാണ് ഇങ്ങനെയൊരു റിപ്പോര്‍ട്ട് പുറത്തുവരുന്നത്. കൂടുതല്‍ സംസ്ഥാനങ്ങള്‍ രാജ്യത്തെ ലോക്ക്ഡൗണ്‍ നീട്ടണമെന്ന ആവശ്യം മുന്നോട്ട് വച്ചതോടെയാണ് കേന്ദ്രം ഈ തീരുമാനത്തിലേക്ക് നീങ്ങുന്നതെന്നാണ് വിവരം.

കോവിഡിന്റെയും ലോക്ക്ഡൗണിന്റെയും പശ്ചാത്തലത്തില്‍ സംസ്ഥാനത്തിന് അടിയന്തര സാമ്ബത്തിക സഹായം നല്‍കണമെന്ന് മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്രമോദിയോട് ആവശ്യപ്പെട്ടു. മുഖ്യമന്ത്രിമാരുമായി പ്രധാനമന്ത്രി നരേന്ദ്ര മോദി നടത്തിയ വീഡിയോ കോണ്‍ഫറന്‍സിലാണ് പിണറായി വിജയന്‍ ഇക്കാര്യം ഉന്നയിച്ചത്. അസംഘടിത മേഖലയ്ക്ക് പാക്കേജ് വേണമെന്നും കൂടുതല്‍ പരിശോധനാ കിറ്റുകള്‍ നല്‍കണമെന്നും അദ്ദേഹം ആവശ്യപ്പെട്ടു.

ലോക്ക്ഡൗണുമായ ബന്ധപ്പെട്ട മാര്‍​ഗ നിര്‍ദ്ദേശങ്ങളില്‍ ന്യായമായ മാറ്റങ്ങള്‍ വരുത്താനുള്ള അവകാശം സംസ്ഥാനങ്ങള്‍ക്ക് നല്‍കണം. ഓരോ സംസ്ഥാനത്തേയും സ്ഥിതി​ഗതികള്‍ വിലയിരുത്തി നിയന്ത്രണങ്ങള്‍ക്ക് വിധേയമായി പൊതു ​ഗ​താ​ഗതം അനുവദിക്കാനുള്ള സ്വാതന്ത്ര്യം സംസ്ഥാനങ്ങള്‍ക്ക് നല്‍കണമെന്നും അദ്ദേഹം യോ​ഗത്തില്‍ ആവശ്യപ്പെട്ടു.
അതേസമയം കൊവിഡ് വ്യാപനത്തിന്റെ പശ്ചാത്തലത്തില്‍ ലോക്ക്ഡൗണ്‍ നീട്ടണമെന്ന് പശ്ചിമ ബംഗാള്‍, ബീഹാര്‍, പഞ്ചാബ്, മഹാരാഷ്ട്ര. തെലങ്കാന സംസ്ഥാനങ്ങള്‍ ആവശ്യപ്പെട്ടു.

കോ​വി​ഡ് വൈ​റ​സ് വ്യാ​പ​ന​ത്തി​നെ​തി​രാ​യ പ്ര​തി​രോ​ധ പ്ര​വ​ര്‍​ത്ത​ന​ങ്ങ​ളി​ല്‍ സം​സ്ഥാ​ന​ങ്ങളുടെ പ്രവർത്തനങ്ങളെ പ്ര​ധാ​ന​മ​ന്ത്രി ന​രേ​ന്ദ്ര​മോ​ദി അഭിനന്ദിച്ചു. മ​ഹാ​മാ​രി​ക്കെ​തി​രാ​യ ഇ​ന്ത്യ​യു​ടെ നേ​ട്ട​ത്തി​ന് ആ​ഗോ​ള ശ്ര​ദ്ധ​യു​ണ്ട്. സം​സ്ഥാ​ന​ങ്ങ​ള്‍ യോ​ജി​ച്ച്‌ മു​ന്നോ​ട്ടു പോ​ക​ണ​മെ​ന്നും മു​ഖ്യ​മ​ന്ത്രി​മാ​രു​മാ​യു​ള്ള യോ​ഗ​ത്തി​ല്‍ മോ​ദി പ​റ​ഞ്ഞു.

രോ​ഗ​വ്യാ​പ​നം കൂ​ടു​ത​ലു​ള്ള മേ​ഖ​ല​ക​ള്‍ കേ​ന്ദ്രീ​ക​രി​ച്ച്‌ പ്ര​വ​ര്‍​ത്തി​ക്ക​ണം. തീ​വ്ര​വ്യാ​പ​ന​മു​ള്ള സ്ഥ​ല​ങ്ങ​ളേ​യും നേ​രി​ടേ​ണ്ട രീ​തി​യേ​യും കു​റി​ച്ച്‌ വ്യ​ക്ത​മാ​യ ധാ​ര​ണ​യു​ണ്ട്. സാ​മ്ബ​ത്തി​ക​പ്ര​വ​ര്‍​ത്ത​ന​ങ്ങ​ള്‍​ക്ക് വ​രും ദി​വ​സ​ങ്ങ​ളി​ല്‍ വേ​ഗം കൂ​ടു​മെ​ന്നും പ്ര​ധാ​ന​മ​ന്ത്രി വി​ഡി​യോ കോ​ണ്‍​ഫ​റ​ന്‍​സി​ല്‍ പ​റ​ഞ്ഞു. സാ​മ്ബ​ത്തി​ക രം​ഗ​ത്ത് സ്തം​ഭ​നാ​വ​സ്ഥ വ​രാ​തെ നോ​ക്ക​ണം. കൂ​ടു​ത​ല്‍ മേ​ഖ​ല​ക​ളി​ലേ​ക്ക് രോ​ഗം പ​ട​രാ​തെ സൂ​ക്ഷി​ക്ക​ണം. മു​ന്നോ​ട്ടു​ള്ള പാ​ത യോ​ജി​ച്ച്‌ തീ​രു​മാ​നി​ക്കാ​മെ​ന്നും മു​ഖ്യ​മ​ന്ത്രി​മാ​രു​മാ​യു​ള്ള യോ​ഗ​ത്തി​ല്‍ പ്ര​ധാ​ന​മ​ന്ത്രി കൂ​ട്ടി​ച്ചേ​ര്‍​ത്തു.

ഇ​ന്നു വൈ​കു​ന്നേ​രം മൂ​ന്നി​നു തു​ട​ങ്ങി​യ പ്ര​ധാ​ന​മ​ന്ത്രി​യു​ടെ യോ​ഗം തു​ട​രു​ക​യാ​ണ്. ലോ​ക്ക് ഡൗ​ണ്‍ ആ​രം​ഭി​ച്ച ശേ​ഷം പ്ര​ധാ​ന​മ​ന്ത്രി മു​ഖ്യ​മ​ന്ത്രി​മാ​രു​മാ​യി ന​ട​ത്തു​ന്ന അ​ഞ്ചാ​മ​ത് വീ​ഡി​യോ കോ​ണ്‍​ഫ​റ​ന്‍​സാ​ണി​ത്.