മഹാരാഷ്​ട്രയിൽ 24 മണിക്കൂറിനിടെ കോവിഡ്​ സ്​ഥിരീകരിച്ചത് 114 ​െപാലീസുകാർക്ക്​ . ഇതോടെ സംസ്​ഥാനത്ത്​ കോവിഡ്​ ബാധിച്ച്​ ചികിത്സയിലുള്ള പൊലീസുകാരുടെ എണ്ണം 1330 ആയി ഉയർന്നു. 26 പൊലീസുകാരാണ്​ ഇതുവരെ രോഗം ബാധിച്ച് മരിച്ചത്​.

ഇതുവരെ 2095 ​പൊലീസുകാർക്കാണ്​ സംസ്​ഥാനത്ത്​ രോഗം ബാധിച്ചത്​. കോവിഡ്​ വ്യാപനം കൂടിയ സാഹചര്യത്തിൽ കഴിഞ്ഞ മാസം 55 പൊലീസുകാരോട്​ വീട്ടിലിരിക്കാൻ നിർദേശിച്ചിരുന്നു. ഉയർന്ന രക്തസമ്മർദ്ദവും പ്രമേഹവുമുള്ളവരോടാണ്​ വീട്ടിലിരിക്കാൻ നിർദേശിച്ചിരുന്നത്​.

രാജ്യത്ത്​ ഏറ്റവും കൂടുതൽ കോവിഡ്​ രോഗികളുള്ളത്​ മഹാരാഷ്​ട്രയിലാണ്​. 2682 ​േപർക്കാണ്​ വെള്ളിയാഴ്​ച കോവിഡ്​ രോഗം കണ്ടെത്തിയത്​. 116 മരണം സ്​ഥിരീകരിക്കുകയും ചെയ്​തു. ഇതോടെ സംസ്​ഥാനത്തെ രോഗബാധിതർ 62,228 ആയി. മരണസംഖ്യ 2098.

തലസ്​ഥാനമായ മുംബൈയിലാണ്​ ഏറ്റവും കൂടുതൽ രോഗികളുള്ളത്​. 36,932 പേർക്കാണ്​ മുംബൈയിൽ​ രോഗം സ്​ഥിരീകരിച്ചത്​. 1173 പേർ ഇവിടെ മാത്രം മരിക്കുകയും ചെയ്​തു. വെള്ളിയാഴ്​ച മ​ാത്രം 1447 പേർക്കാണ്​ മുംബൈയിൽ കോവിഡ്​ സ്​ഥിരീകരിച്ചത്​.