കോളേജ് പ്രൊഫസറായ യുവതി പത്ത് വയസ്സുകാരനായ മകനെ കൊലപ്പെടുത്തിയ ശേഷം ജീവനൊടുക്കി
ഹൈദരാബാദ് നര്സിങ്കി ലക്ഷ്മി നരസിംഹ കോളനിയില് താമസിക്കുന്ന കോളേജ് പ്രൊഫസറായ യുവതി ജീവനൊടുക്കി. ഗുണ്ടൂര് സ്വദേശി എന്. ഭാര്ഗവി (35) , പത്ത് വയസ്സുകാരനായ മകന് വരേണ്യയെ കൊലപ്പെടുത്തിയ ശേഷമാണ് തൂങ്ങിമരിച്ചത്.
ഭര്ത്താവ് സതീഷ് വെള്ളിയാഴ്ച വൈകീട്ട് വീട്ടിലെത്തിയപ്പോഴാണ് ഇരുവരെയും തൂങ്ങിമരിച്ച നിലയില് കണ്ടെത്തിയത്. ആദ്യം മകനെ കെട്ടിത്തൂക്കി കൊലപ്പെടുത്തിയ ശേഷം യുവതി തൂങ്ങിമരിച്ചെന്നാണ് പോലീസിന്റെ നിഗമനം. ഇരുവരുടെയും മൃതദേഹങ്ങള് പോസ്റ്റുമോര്ട്ടത്തിനായി ഒസ്മാനിയ ആശുപത്രിയിലേക്ക് മാറ്റി.
ഒട്ടേറെ ഡോക്ടര്മാരെ കാണിച്ചെങ്കിലും രണ്ടാമത്തെ പ്രസവത്തിന് ശേഷം ഭാര്ഗവിക്ക് ഉണ്ടായ ചില ആരോഗ്യപ്രശ്നങ്ങള് വിട്ടുമാറിയിരുന്നില്ല. സ്വകാര്യ കോളേജിലെ പ്രൊഫസറായ അവര് അക്കാര്യത്തില് ഏറെ വിഷാദത്തിലുമായിരുന്നുവെന്ന് പോലീസ് പറഞ്ഞു.
ഒരു വയസ്സുള്ള മകളെ പരിചരിക്കാനും അവരുടെ ആരോഗ്യപ്രശ്നങ്ങള് കാരണം പ്രയാസം നേരിട്ടിരുന്നു. ഇതിനാല് മകളെ ഡേ-കെയര് സെന്ററില് ഏല്പ്പിക്കുകയായിരുന്നു പതിവ്. വെള്ളിയാഴ്ച രാവിലെയും മകളെ ഡേ-കെയര് സെന്ററില് കൊണ്ടുവിട്ടിരുന്നു. ഇതിനുശേഷമാണ് മകനെ കൊലപ്പെടുത്തി യുവതി ജീവനൊടുക്കിയത്. ഭര്ത്താവ് സതീഷ് നഗരത്തിലെ ഐടി കമ്പനിയില് സോഫ്റ്റ് വെയര് എന്ജിനീയറാണ്.
https://www.facebook.com/Malayalivartha
