കോവിഡ് വ്യാപനത്തില് ദേശീയ ശരാശരിയെക്കാള് മൂന്നിലെത്തി ദക്ഷിണേന്ത്യന് സംസ്ഥാനങ്ങള്; കേരളം ഒഴികെ മറ്റെല്ലാ ദക്ഷിണ സംസ്ഥാനങ്ങളും രോഗികളുടെ എണ്ണത്തില് ദേശീയ ശരാശരിയുടെ മുകളില്
കേരളമൊഴികെയുള്ള നാല് ദക്ഷിണേന്ത്യന് സംസ്ഥാനങ്ങളും കോവിഡ് വ്യാപനത്തില് ദേശീയ ശരാശരിയുടെ മുകളിലെത്തി. തമിഴ്നാട്, കര്ണാടകം, തെലുങ്കാന, ആന്ധ്രപ്രദേശ് തുടങ്ങിയ സംസ്ഥാനങ്ങളാണ് ദേശീയ ശരാശരിയെ മറികടന്നത്. കഴിഞ്ഞ കുറച്ചു ദിവസങ്ങളിലായി ഇവിടങ്ങളില് രോഗികളുടെ എണ്ണത്തില് വന് മുന്നേറ്റമാണ് രേഖപ്പെടുത്തിയത്. എന്നാലും മഹാരാഷ്ട്ര തന്നെയാണ് രോഗികളുടെ എണ്ണം റിപ്പോര്ട്ടു ചെയ്യുന്നതില് മുന്നില്.
കഴിഞ്ഞ ഒരാഴ്ച്ചക്കുള്ളില് തമിഴ് നാട്ടില് റിപ്പോര്ട്ട് ചെയ്തത് 28000 പുതിയ കേസുകളാണ് റിപ്പോര്ട്ട് ചെയ്തത്. കൂടാതെ ആകെ രോഗികളുടെ എണ്ണം കഴിഞ്ഞ ദിവസം ഒരു ലക്ഷം കടന്നു. കര്ണാടകവും തെലുങ്കാനവും കഴിഞ്ഞ ആഴ്ച്ച റിപ്പോര്ട്ട് ചെയ്തത് 8000 ത്തോളം കേസുകളിലാണ്. ആന്ധ്രപ്രദേശും മത്സരത്തിന്റെ ഭാഗമാണിപ്പോള്. ഇവിടെ 5500 കേസുകള് ഈ ആഴ്ച റിപ്പോര്ട്ട് ചെയ്തിട്ടുണ്ട്. ഇതില് വ്യത്യസ്തമാകുന്നത് കേരളത്തിലെ കണക്കുകള് മാത്രമാണ് കഴിഞ്ഞ ഒരാഴ്ച്ചക്കുള്ളില് ആയിരത്തിനടത്തു കോസുകള് മാത്രമാണ് സംസ്ഥാനത്ത് റിപ്പോര്ട്ട് ചെയ്യതത്. എന്നാല് കഴിഞ്ഞ ദിവസം 211 കേസുകള് റിപ്പോര്ട്ട് ചെയ്തതോടെ അത്ര സുഖകരമല്ലാത്ത ഈ മത്സരത്തില് കേരളവും പങ്കു ചേരുകയാണോന്നാണ് സംശയിക്കുന്നത്. രോഗവ്യപനത്തിന്റെ തോത് പരിശോധിക്കുകയാണെങ്കില് കേരളത്തിന്റെത് 3.6 ആണ് ദേശീയ വേഗത 3.54 ലും ഇത് കേരളത്തിലും രോഗികളുടെ എണ്ണം വര്ധിക്കുന്നതിന് തെളിവ്. അതെ സമയം സംസ്ഥാനത്തിന്റെ മരണനിരക്ക് മറ്റു സംസ്ഥാനങ്ങളെ അപേക്ഷിച്ച് വളരെ കുറവാണെന്നതാണ് ആശ്വാസം. ഇത് രാജ്യത്തു തന്നെ ഏറ്റവും കുറഞ്ഞ നിരക്കാണ്.
രാജ്യത്ത് കോവിഡ് വ്യാപനം ഒരോ ദിവസവും പുതിയ റിക്കോര്ഡ് സൃഷ്ടിക്കുകയാണ്. രോഗികളുടെ എണ്ണത്തില് മാത്രമല്ല മരണങ്ങളുടെ എണ്ണത്തിലും ഇന്ത്യ മുന്നേറുകയാണ്. അടുത്തിടെ തന്നെ റഷ്യയുടെ രോഗികളുടെ എണ്ണത്തെ ഇന്ത്യ മറിക്കടക്കുമെന്ന് ഉറപ്പായിട്ടുണ്ട്. റഷ്യയെക്കാള് നിലവില് വെറും 18000 രോഗികളുടെ കുറവ് മാത്രമാണ് ഇന്ത്യക്കുള്ളത്. അമേരിക്ക തന്നെയാണ് പട്ടികയില് ഒന്നാമത്.
https://www.facebook.com/Malayalivartha