തമിഴ്നാട് ബി.ജെ.പി ഗ്ലാമര് കൂട്ടുന്നു; നടിമാരായ ഗൗതമിയും നമിതയും സംസ്ഥാന ഭാരവാഹികള്; മുഖം മിനുക്കിയ സംസ്ഥാന ബി.ജെ.പിക്ക് നിരവധി പുതുമുഖങ്ങളും
തമിഴ്നാട്ടില് രാഷ്ട്രീയവും സിനിമയും രണ്ടല്ല ഒന്നു തന്നെയാണ്. ഇതിന് തെളിവാണ് കൂടുതല് സിനിമ താരങ്ങളെ തങ്ങളുടെ ഭാഗത്തേക്ക് എത്തിക്കാന് ശ്രമിക്കുന്ന രാഷ്ട്രീയ പാര്ട്ടികളും രാഷ്ട്രീയ പാര്ട്ടികള് തന്നെ രൂപീകരിക്കുന്ന സിനിമാക്കാരും. ഇതിന്റെ ഭാഗമായി തന്നെയാണ് ഗൗതമി, നമിത തുടങ്ങിയ താരങ്ങളെ കളത്തിലിറക്കി ബി.ജെ.പിയുടെ ഗ്ലാമര് കൂട്ടല്. സംസ്ഥാന നിയമസഭാ തിരഞ്ഞെടുപ്പിന് കഷ്ടിച്ച് ഒന്നര വര്ഷം മാത്രം ശേഷിക്കെയാണ് ബി.ജെ.പിയുടെ പരീക്ഷണം. ഒരു കൂട്ടം നടിമാരെ സംസ്ഥാന ഭാരവാഹികളാക്കിയാണ് ബി.ജെ.പി കളം പിടിക്കാനായി രംഗത്തിറങ്ങുന്നത്.
നടിമാരായ മധുവന്തി അരുണ്, ഗൗതമി, കുട്ടി പത്മിനി, നമിത എന്നിവരെ ബി.ജെ.പിയുടെ തമിഴ്നാട് സംസ്ഥാന എക്സിക്യൂട്ടിവ് കമ്മിറ്റി അംഗങ്ങളായും നടി ഗൗയത്രി രഘുരാമിനെ കലാസാംസ്കാരിക വിഭാഗത്തിവന്റെ അധ്യക്ഷയായും നിയമിച്ചാണ് ദേശീയ നേതൃത്വം പത്രക്കുറുപ്പ് പുറത്തിറക്കിയത്. മുന് ഡി.എം.കെ നേതാവും തമിഴ്നാട് നിയമസഭാ ഡെപ്യൂട്ടി സ്പീക്കറുമായിരുന്ന വി.പി ദുരൈസാമിയെ ബി.ജെ.പിയുടെ സംസ്ഥാന വൈസ് പ്രസിഡന്റായി ദേശീയ നേതൃത്വം നിയമിച്ചു. ഇന്ത്യ ബി.ജെ.പിയുടെ സുരക്ഷിതമായ കൈകളിലാണെന്ന പരാമര്ത്തിന് അദ്ദേഹത്തെ ഡി.എം.കെയില് നിന്ന് നേരത്തെ പുറത്താക്കിയിരുന്നു. തുടര്ന്നാണ് ഡി.എം.കെയുടെ ഡെപ്യൂട്ടി ജനറല് സെക്രട്ടറി കൂടിയായിരുന്ന ദൂരൈസ്വാമി ബി.ജെ.പിയില് ചേര്ന്നത്.
കെ.ടി രാഘവന്, ജി.കെ സെല്വകുമാര്, പ്രൊഫ. ആര് ശ്രീനിവാസന്, കരു നാഗരാജന് എന്നിവരെ സംസ്ഥാന ജനറല് സെക്രട്ടറിയായി തിരഞ്ഞെടുത്തു. കെ. ഷണ്മുഖം, ഡോള്ഫിന് ശ്രീധരന്, ടി. വരദരാജന് എന്നിവരാണ് പുതിയ സംസ്ഥാന സെക്രട്ടറിമാര്. തന്റെ തമിഴ് മനില പാര്ട്ടിയെ ബി.ജെ.പിയുമായി ലയിപ്പിച്ച പോള് കനകരാജ് ബി.ജെ.പി നിയമവിഭാഗത്തിന്റെ പുതിയ പ്രസിഡന്റ്. പുതിയ ജില്ലാ സെക്രട്ടറിമാര് വിവിധ വിഭാഗങ്ങളുടെ പ്രസിഡന്റുമാര്. ദേശീയ ജനറല് കൗണ്ലില് അംഗങ്ങള് പുതിയ വക്താക്കള്, ജില്ലാ നിരീക്ഷകര്, സംസ്ഥാന എക്സിക്യൂട്ടീവ് കമ്മിറ്റി അംഗങ്ങള് എന്നിവരുള്പ്പെടെ പാര്ട്ടിയുടെ എല്ലാ തട്ടിലും നേതൃമാറ്റത്തിന് വഴിയൊരുക്കിയാണ് ബി.ജെ.പി പുതിയ ഭാരവാഹികളെ പ്രഖ്യാപിച്ചിരിക്കുന്നത്. എസ്.ആര് ശോഖറാണ് സംസ്ഥാന ട്രഷര്.
https://www.facebook.com/Malayalivartha