തണുപ്പിന് തോൽപ്പിക്കാനാകില്ല; ലഡാക്ക് മേഖലകളിൽ ഇന്ധനം കട്ടിയാകുന്ന സാഹചര്യത്തിൽ ഇന്ത്യൻ സെെന്യം വിന്റർ ഡീസൽ ഉപയോഗിച്ചേക്കും
ഇന്ത്യൻ സൈന്യത്തിന് കടമ നിർവഹിക്കാൻ പലപ്പോഴും തടസം നിൽക്കുന്നത് കാലാവസ്ഥയാണ്. കനത്ത മഞ്ഞുവീഴ്ചയും തണുപ്പും പലപ്പോഴും തടസ്സമാകാറുണ്ട്. ശൈത്യകാലത്ത് അതികഠിനമായ തണുപ്പും മഞ്ഞ് വീഴ്ചയുമാണ് ലഡാക്കിലെ ലേ, കാര്ഗില് എന്നീ പ്രദേശങ്ങളില് അനുഭവപ്പെടുക. അതുകൊണ്ടുതന്നെ സാധാരണ സൈനിക വാഹനത്തിലെ ഡീസല് തണുത്ത് ഉറയുകയും വാഹനങ്ങള് തകരാറിലാകാന് കാരണവുകയും ചെയ്യുന്നു. ശെെത്യകാല താപനില താഴ്ന്നുവരുന്ന സാഹചര്യത്തിലാണിത്.
എന്നാലിപ്പോൾ പുറത്തുവരുന്ന വാർത്തയനുസരിച്ച് മഞ്ഞുവീഴ്ചയും കനത്ത തണുപ്പുംമൂലം ലഡാക്ക് മേഖലകളിൽ ഇന്ധനം കട്ടിയാകുന്ന സാഹചര്യത്തിൽ ഇന്ത്യൻ സെെന്യം വിന്റർ ഡീസൽ ഉപയോഗിച്ചേക്കും. ഈ സാഹചര്യത്തിൽ രാജ്യത്തെ ഏറ്റവും വലിയ എണ്ണ വിപണന കമ്പനിയായ സർക്കാർ ഉടമസ്ഥതയിലുള്ള ഇന്ത്യൻ ഓയിൽ കോർപ്പറേഷൻ (ഐഒസി ) 30ഡിഗ്രി സെൽഷ്യസ് വരെ കുറഞ്ഞ താപനിലയിൽ ഉപയോഗിക്കാവുന്ന വിന്റർ ഡീസലിന് അംഗീകാരം നൽകാൻ സായുധ സേനയുടെ ഡയറക്ടറേറ്റ് ജനറൽ ഓഫ് ക്ലാളിറ്റി അഷ്വറൻസിന്റെ (ഡിജിക്യുഎ)യുടെ അനുമതി തേടി.
ഒരു പ്രത്യേക ഇന്ധനമാണ് വിന്റർ ഡീസൽ. കഴിഞ്ഞ വർഷമാണ് ഐഒസി ഉയർന്ന പ്രദേശങ്ങളിലും അതുപോലെ താഴ്ന്ന താപനിലയുള്ള പ്രദേശങ്ങളിലേക്കും വിന്റർ ഡീസൽ അവതരിപ്പിച്ചത്. ഇവിടെ സാധാരണ ഡീസൽ ഉപയോഗിക്കാൻ സാധിക്കാത്ത അവസ്ഥയാണ്. സാധാരണ ഡീസൽ കനത്ത മഞ്ഞിൽ കല്ലുപോലെ ആകുമെന്നതിനാൽ വാഹന ഇന്ധനമായി ഉപയോഗിക്കാൻ ലഡാക്കുകാർക്ക് സാധിക്കാറില്ല. പൂജ്യത്തിനും താഴെ, മൈനസ് 30 ഡിഗ്രി വരെ ഇവിടെ ഊഷ്മാവ് താഴാറുണ്ട്. എന്നാൽ, ഐ.ഒ.സി ഉത്പാദിപ്പിച്ച പുതിയ വിന്റർ ഗ്രേഡ് ഡീസൽ മൈനസ് 33 ഡിഗ്രി സെൽഷ്യസിലും ദ്രവരൂപത്തിൽ തന്നെ നിലനിൽക്കും.ഇത്തരം കുറഞ്ഞ താപനിലയിൽ സാധാരണ ഡീസൽ ഉപയോഗിക്കുന്നത് വാഹനങ്ങൾ തകരാറിലാകുമെന്ന് ഐഒസി വികസന ഡയറക്ടർ എസ്.വി രാമകുമാർ പറഞ്ഞു. കുറഞ്ഞ ശ്യാനത(viscosity) നിലനിർത്താൻ സംയോജിപ്പിച്ച വിന്റർ ഡീസൽ 30 ഡിഗ്രി സെൽഷ്യസ് വരെ കുറഞ്ഞ താപനിലയിൽ ഉപയോഗിക്കാൻ സാധിക്കും.എന്ന് അദ്ദേഹം വ്യക്തമാക്കി.
https://www.facebook.com/Malayalivartha