സുഷാന്തിനെ നാലു സിനിമകളില് നിന്ന് ഒഴിവാക്കിയതിന് കാരണം പറഞ്ഞ് സഞ്ജയ് ലീല ഭന്സാലി
ബോളിവുഡ് താരം സുശാന്ത് സിങ് രജ്പുത്ത് മുംബൈയിലെ വസതിയില് ആത്മഹത്യ ചെയ്ത സംഭവത്തില് അന്വേഷണം പുരോഗമിക്കുകയാണ്. 'രാംലീല' അടക്കമുള്ള നാല് സിനിമകളില് നിന്നും സുശാന്ത് സിങ് രജ്പുത്തിനെ എന്തുകൊണ്ടാണ് ഒഴിവാക്കിയതെന്ന് സംവിധായകനും നിര്മ്മാതാവുമായ സഞ്ജയ് ലീല ഭന്സാലി പോലീസിനോട് പറഞ്ഞു. മൂന്ന് മണിക്കൂറോളമാണ് സംവിധായകനെ മുംബൈ പൊലീസ് ചോദ്യം ചെയ്തത്. നാല് ചിത്രങ്ങളില് നിന്നും ഒഴിവാക്കിയതോടെ സുശാന്ത് മാനസിക സമ്മര്ദ്ദത്തിലായിരുന്നു എന്ന റിപ്പോര്ട്ടുകളെ തുടര്ന്നാണ് സഞ്ജയ് ലീല ഭന്സാലിയെ പൊലീസ് ചോദ്യം ചെയ്തത്. സുശാന്ത് മറ്റ് സിനിമകളുടെ തിരക്കിലായിരുന്നു. ഡേറ്റ് ലഭിക്കാതിരുന്നതിനാലാണ് സുശാന്തിന് പകരം മറ്റ് താരങ്ങളെ നായകന്മാരാക്കിയത് എന്നാണ് സംവിധായകന്റെ മൊഴി.
ജൂണ് 14ന് ആണ് സുശാന്ത് സിങ് രജ്പുത്ത് മുംബൈയിലെ വസതിയില് ആത്മഹത്യ ചെയ്തത്. തുടര്ച്ചയായി സിനിമകള് മുടങ്ങിയതിനാല് സുശാന്ത് മാനസിക സമ്മര്ദ്ദത്തിലായിരുന്നുവെന്നും വിഷാദ രോഗത്തിനടിമായായെന്നുമാണ് റിപ്പോര്ട്ടുകള്. മരണത്തെ തുടര്ന്നുള്ള അന്വേഷണത്തില് യഷ്രാജ് പ്രൊഡക്ഷന് കമ്ബനിക്കാരെയും ചോദ്യം ചെയ്തിരുന്നു.
https://www.facebook.com/Malayalivartha