ഇനി ഇന്ദ്രപ്രസ്ഥത്തില്... തിരുവനന്തപുരം വിമാനത്താവളം വഴി നടന്ന സ്വര്ണക്കടത്ത് കേസിന്റെ വിശദാംശങ്ങള് നേരിട്ട് വിലയിരുത്തി കേന്ദ്ര ആഭ്യന്തരമന്ത്രി അമിത് ഷാ...
തിരുവനന്തപുരം വിമാനത്താവളം വഴി നടന്ന സ്വര്ണക്കടത്ത് കേസിന്റെ വിശദാംശങ്ങള് നേരിട്ട് വിലയിരുത്തി കേന്ദ്ര ആഭ്യന്തരമന്ത്രി അമിത് ഷാ. കസ്റ്റംസിനെ കൂടാതെ മറ്റ് കേന്ദ്ര ഏജന്സികളെ അന്വേഷണം ഏല്പ്പിക്കുന്ന കാര്യത്തില് ഉടന് തീരുമാനമുണ്ടാകും. കേസിന്റെ വിവരങ്ങള് ഇന്റലിജന്സ് ബ്യൂറോയും പരിശോധിച്ചു.
നയതന്ത്ര പരിരക്ഷയുടെ മറവില് യു എ ഇയില്നിന്ന് സ്വര്ണം കടത്തിയ സംഭവത്തില് കുറ്റാരോപിതയായ സ്വപ്ന സുരേഷ് കേരള ഹൈക്കോടതിയില് ജാമ്യം നല്കി. നാല് ദിവസമായി ഒളിവില് കഴിയുന്ന സ്വപ്ന സുരേഷ് ഓണ്ലൈനായാണ് ജാമ്യപേക്ഷ നല്കിയത്.
പൊലീസ് കസ്റ്റംസ് അധികൃതര് തിരയുന്നതിനിടെയാണ് ബുധനാഴ്ച രാത്രി ജാമ്യാപേക്ഷ നല്കിയത്. അഭിഭാഷകനായ രാജേഷ്കുമറാണ് സ്വപ്ന സുരേഷിന് വേണ്ടി ജാമ്യാപേക്ഷ നല്കിയത്.
മുന്കൂര് ജാമ്യാപേക്ഷ എന്ന് പരിഗണിക്കുമെന്ന കാര്യം ഹൈക്കോടതി വ്യാഴാഴ്ച തീരുമാനിക്കും. കഴിഞ്ഞ മാസം 30-ാം തീയതിയാണ് ഡിപ്ലോമാറ്റിക് ബാഗേജ് വഴി യു എ ഇയില്നിന്ന് 30 കിലോ സ്വര്ണം കടത്താനുളള നീക്കം പരാജയപ്പെട്ടത്. ഇതുമായി ബന്ധപ്പെട്ട് യു എ ഇ കോണ്സുലേറ്റിലെ മുന് പി ആ്ര് ഒ സരിത്ത് അറസ്റ്റ് ചെയ്യപ്പെട്ടതോടെയാണ് സ്വപ്ന സുരേഷിനെക്കുറിച്ച് കേരളം അറിയുന്നത്. ഇവര്ക്ക് മുഖ്യമന്ത്രിയുടെ പ്രിന്സിപ്പല് സെക്രട്ടറി എം ശിവശങ്കറുമായി അടുത്ത ബന്ധം ഉണ്ടായെന്ന് വ്യക്തമായതോടെ അത് കേരളത്തെ ഞെട്ടിച്ച് ഒരു രാഷ്ട്രീയ കൊടുങ്കാറ്റായി മാറി. യു എ ഇ തിരുവനന്തപുരം കോണ്സുലേറ്റിലെ മുന് ഉദ്യോഗസ്ഥയാണ് സ്വപ്ന സുരേഷ്. ആരോപണം ഉയര്ന്നതിനെ തുടര്ന്ന് എം ശിവശങ്കറിനെ സ്ഥാനങ്ങളില്നിന്ന് മാറ്റുകയായിരുന്നു.
സ്വര്ണക്കള്ളക്കടത്തു കേസിലെ വിവാദനായിക സ്വപ്നയുടെ കൂട്ടാളി സന്ദീപ് നായര് സ്വര്ണക്കടത്തിനുള്ള മറയായിട്ടാണോ കാര് വര്ക്ഷോപ്പ് ആരംഭിച്ചതെന്ന് സംശയം.
കാറുകളുടെ എന്ജിനില് നിന്നു കാര്ബണ് മാലിന്യം നീക്കം ചെയ്യുന്ന സ്റ്റാര്ട്ടപ് സംരംഭമാണ്, നെടുമങ്ങാട്ട് സന്ദീപ് ആരംഭിച്ച 'കാര്ബണ് ഡോക്ടര്'. ഇതിന്റെ ഉദ്ഘാടനത്തിനാണ് യുഎഇ കോണ്സുലേറ്റ് വഴിയുള്ള സ്വാധീനം ഉപയോഗിച്ചു സ്പീക്കര് ശ്രീരാമകൃഷ്ണനെ സ്വപ്ന എത്തിച്ചത്.
കാറുകളില് സ്വര്ണം കടത്താനുള്ള മറയാണോ ഈ സ്ഥാപനം എന്നാണ് അന്വേഷിക്കുന്നത്. ഉദ്ഘാടനം സ്പീക്കര് ശ്രീരാമകൃഷ്ണന് തന്നെ നടത്തണമെന്നു സന്ദീപിനു നിര്ബന്ധമുണ്ടായിരുന്നു. സ്പീക്കറുടെ സൗകര്യത്തിനായി ഉദ്ഘാടനത്തീയതി 2 തവണ മാറ്റി.
കള്ളക്കടത്തില് സന്ദീപിന്റെ പങ്കു വ്യക്തമായതോടെയാണ് ഭാര്യ സൗമ്യയെ ചോദ്യം ചെയ്യാന് അന്വേഷണ സംഘം തീരുമാനിച്ചത്. സന്ദീപിനു കള്ളക്കടത്തു സംഘവുമായുള്ള അടുപ്പം സൗമ്യ സ്ഥിരീകരിച്ചിട്ടുണ്ട്.
"
https://www.facebook.com/Malayalivartha