"അയാള്‍ കൂടെനിന്ന് ചതിക്കുകയായിരുന്നു. ഇത് ഞാന്‍ പറഞ്ഞെങ്കിലും ആരും വിശ്വസിച്ചില്ല. മുഖത്തെ നിഷ്‌കളങ്കതകൊണ്ട് അയാള്‍ എല്ലാവരുടെയും കണ്ണിലുണ്ണിയായിരുന്നു. ഇത്രയും സുന്ദരനായ ഒരാള്‍ കൂടെനിന്ന് ചതിക്കുമെന്ന് ആരെങ്കിലും വിശ്വസിക്കുമോ.. " ഈ ചോദ്യം മറ്റാരുടെയും അല്ല രാജസ്ഥാനില്‍ വിമതസ്വരമുയര്‍ത്തിയ ഉപമുഖ്യമന്ത്രി സച്ചിന്‍ പൈലറ്റിനെക്കുറിച്ച്‌ മുഖ്യമന്ത്രി അശോക് ഗെലോട്ട് പറഞ്ഞ വാക്കുകളാണ്. സര്‍ക്കാരിനെ തകര്‍ക്കാന്‍ മാസങ്ങളായി സച്ചിന്‍ ബി ജെ പിയുമായി ചേര്‍ന്ന് പ്രവര്‍ത്തിക്കുകയായിരുന്നുഎന്നാണ് ഗെലോട്ടിന്റെ പ്രധാന ആരോപണം. ഒരു അഭിമുഖത്തിലാണ് അദ്ദേഹം സച്ചിനെ നിശിതമായി വിമര്‍ശിക്കുകയും പരിഹസിക്കുകയും ചെയ്തതുകൊണ്ട് രംഗത്തെത്തിയത്.

സച്ചിന്റെ ലക്ഷ്യത്തെക്കുറിച്ച്‌ താന്‍ നേരത്തേ തന്നെ മനസിലാക്കിയിരുന്നെന്നാണ് ഗെലോട്ട് പറയുന്നത്. തങ്ങള്‍ എം എല്‍ എമാരെ ഒരിക്കലും റിസോര്‍ട്ടില്‍ ബന്ദികളാക്കിയില്ലെന്നും ഗെലോട്ട് പറയുന്നു. "അവര്‍ക്ക് ഇഷ്ടമുളളതുപോലെ പ്രവര്‍ത്തിക്കാനുളള അനുവാദം നല്‍കിയിരുന്നു. എന്നാല്‍ സച്ചിന്‍ ക്യാമ്ബ് അങ്ങനെയായിരുന്നില്ല. പലരെയും നിര്‍ബന്ധിച്ചും ഭീഷണിപ്പെടുത്തിയുമാണ് ഒപ്പം കൂട്ടിയത്. ഫോണിലൂടെ പല എം എല്‍ എമാരും ഇക്കാര്യം ഞങ്ങളോട് പറഞ്ഞു. അവര്‍ കരയുന്നുണ്ടായിരുന്നു" എന്നും ഗെലോട്ട് പറഞ്ഞു.

നേരത്തേ സച്ചിന്‍ പെെലറ്റിനെ പരിഹസിച്ച്‌ മുതിര്‍ന്ന കോണ്‍ഗ്രസ് നേതാവ് മാര്‍ഗരറ്റ് ആല്‍വ രംഗത്തെത്തിയിരുന്നു സച്ചിന്‍ ബി ജെ പിയില്‍ ചേര്‍ന്ന് 45ാം വയസില്‍ പ്രധാനമന്ത്രിയാകാനുള്ല പുറപ്പാടിലാണോ എന്നായിരുന്നു മാ‌‌ര്‍ഗരറ്റിന്റെ പരിഹാസം. രാജ്യം കൊവിഡിനെതിരെയും അതിര്‍ത്തിയിലെ ചൈനയുടെ നീക്കത്തിനെതിരെയും പോരാടുമ്ബോള്‍ സച്ചിന്‍ രാജസ്ഥാന്‍ മുഖ്യമന്ത്രി ആവാനാണ് ശ്രമം നടത്തുന്നെന്നും അവ‌ര്‍ ആരോപിച്ചിരുന്നു.

അതേസമയം രാജ്യസഭ തിരഞ്ഞെടുപ്പിന് മുമ്ബ് ബിജെപിയിലേക്ക് കൂറുമാറുന്നതിനായി സച്ചിന്‍ പൈലറ്റ് 35 കോടി രൂപ വാഗ്ദാനം ചെയ്തതായി ആരോപിച്ച്‌ കോണ്‍ഗ്രസ് എംഎ‍ല്‍എ. ഗിരിരാജ് സിങ് മലിംഗ രംഗത്തെത്തി. പൈലറ്റിന്റെ വാഗ്ദാനം താന്‍ നിരസിച്ചുവെന്നും ഇക്കാര്യം മുഖ്യമന്ത്രി അശോക് ഗെഹ്ലോത്തിനെ അറിയിച്ചുവെന്നും മലിംഗ അവകാശപ്പെട്ടു. അശോക് ഗെഹ്ലോത്തിനെതിരെ അണിനിരക്കുന്നതിനായിഎനിക്ക് സച്ചിന്‍ പൈലററ് 35 കോടി രൂപ വാഗ്ദാനം ചെയ്തു. അദ്ദേഹത്തിന്റെ വസതിയില്‍ വച്ചായിരുന്നു കൂടിക്കാഴ്ച. രാജ്യസഭ തിരഞ്ഞെടുപ്പിന് മുമ്ബാണ് അദ്ദേഹം പണം വാഗ്ദാനംചെയ്തത്. കൂറുമാറാന്‍ എന്നോട് ആവശ്യപ്പെടുകയും ചെയ്തു.

സമാനമായ വാഗ്ദാനം ഡിസംബറിലും സച്ചിന്‍ നടത്തി. ഞാന്‍ അത് നിരസിക്കുകയും അശോക് ഗെഹ് ലോതിനെ വിവരമറിയിക്കുകയും ചെയ്തു. പണത്തിന് വേണ്ടി ഈ തെറ്റായ കാര്യം ചെയ്യാനാകില്ല. പണം ഒരു പ്രശ്നമല്ലെന്നും നിങ്ങള്‍ ആഗ്രഹിക്കുന്നത് ചോദിച്ചോളൂ അത് ലഭിക്കുമെന്നുമാണ് സച്ചിന്‍ പറഞ്ഞത്. 35 കോടിയോ അതില്‍ കൂടുതലോ, പക്ഷേ ഞാന്‍ പറഞ്ഞു അത് തെറ്റാണെന്ന്.' മലിംഗ പറയുന്നു