മോഡിയുടെ ഭരണത്തില് അത്ഭുതപ്പെട്ട് ലോകബാങ്ക്, ആറ് മാസംകൊണ്ട് ബാങ്ക് അക്കൗണ്ട് എടുത്തവര് ഒന്നേകാല് കോടി
മോഡിയെ പുകഴ്ത്താനാണ് ഇപ്പോള് ലോക രാഷ്ടനേതാക്കന്മാരും സ്ഥാപനങ്ങളും മത്സരിക്കുന്നത്. കഴിഞ്ഞ ദിവസം അമേരിക്കന് പ്രസിഡന്റ് ബറാക് ഒബാമ ടൈംസില് എഴുതിയ ലേഖനത്തിലും മോഡിയെ പുകഴ്ത്തിയിരുന്നു. ചായക്കടക്കാരനില് നിന്നും ഇന്ത്യയുടെ പ്രധാനമന്ത്രി പദമലങ്കരിച്ച മോഡി തന്നെ അത്ഭുതപ്പെടുത്തുന്നുവെന്നാണ് ഒബാമ എഴുതിയത്. അതിന് പിന്നാലെയാണ് ലോകബാങ്ക് മേധാവിയും മോഡിയെ പ്രകീര്ത്തിച്ച് രംഗത്തെത്തിയത്.
രാജ്യത്തിന്റെ സാമ്പത്തിക വികസനത്തില് ജനപങ്കാളിത്തം വര്ധിപ്പിക്കുന്നതില് മോദിയുടെ ശക്തമായ കാഴ്ചപ്പാടുള്ള നേതൃപാടവം വലിയ പങ്കു വഹിച്ചതായി ലോക ബാങ്ക് മേധാവി ജിം യോംഗ് കിം കഴിഞ്ഞ ദിവസം അഭിപ്രായപ്പെടുകയും ചെയ്തു.ലോകബാങ്ക് പ്രസിദ്ധപ്പെടുത്തിയ പുതിയ റിപ്പോര്ട്ടിലാണ് മോഡിയെക്കുറിച്ച് പറയുന്നത്. ആറു മാസം കൊണ്ട് ഒന്നേകാല് കോടി ജനങ്ങളെ കൊണ്ട് ബാങ്ക് അക്കൗണ്ട് തുറപ്പിച്ച പ്രധാനമന്ത്രി നരേന്ദ്ര മോദിയുടെ ജന്ധന് പദ്ധതിയെ ലോക ബാങ്ക് റിപ്പോര്ട്ട് വാനോളം പുകഴ്ത്തി .
2014 ഓഗസ്റ്റില് അവതരിപ്പിച്ച എല്ലാ ഇന്ത്യന് കുടുംബത്തിനും ഒരു അക്കൗണ്ട് ലക്ഷ്യമിട്ടുള്ള പദ്ധതി പ്രകാരം ജനുവരി വരെ 125 ദശലക്ഷം പുതിയ അക്കൗണ്ടുകള് പുതുതായി തുറക്കപ്പെട്ടുവെന്ന് ഈ ആഴ്ച പുറത്തു വന്ന ലോക റിപ്പോര്ട്ട് പറയുന്നു.
2013ലെ സര്വേ കണക്കുകള് പ്രകാരം ബാങ്ക് അക്കൗണ്ടുള്ളവര് 400 ദശലക്ഷത്തിലും താഴെയായിരുന്നെന്നും റിപ്പോര്ട്ട് ചൂണ്ടിക്കാട്ടുന്നുണ്ട്. ഇന്റര്നാഷണല് മോണിറ്ററി ഫണ്ടിന്റെയും ലോക ബാങ്കിന്റെയും വാഷിങ്ടണില് നടന്ന സംയുക്ത യോഗത്തിലെ ഒരു പാനല് ചര്ച്ചയിലാണ് ഇന്ത്യന് പ്രധാനമന്ത്രിയുടെ അസാധാരണ പാടവത്തെ കിം വാനോളം പുകഴ്ത്തിയത്. റിസര്വ് ബാങ്ക് ഗവര്ണര് രഘുറാം രാജന്റെ മികവും അദ്ദേഹം എടുത്തു പറഞ്ഞു. ദാരിദ്ര്യം മറികടക്കാനുള്ള മാര്ഗമാണ് സാമ്പത്തിക സേവനങ്ങളുടെ ലഭ്യതയെന്നും കിം കൂട്ടിച്ചേര്ത്തു. 2020ഓടെ സാമ്പത്തിക സേവന ലഭ്യത സാര്വത്രികമാക്കാനാണ് ലോക ബാങ്ക് ലക്ഷ്യമിടുന്നത്. ഇക്കാര്യത്തില് വലിയ പുരോഗതി കൈവരിച്ചതിന്റെ തെളിവുകളാണിതെന്നും കിം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha