വിഭജനത്തിന്റെ ശക്തികള്ക്ക് മുന്നില് ഇന്ത്യ തളരില്ലെന്ന് രാഹുല് ഗാന്ധി
പഹല്ഗാം ഭീകരാക്രമണത്തിന്റെ ഒന്നാം വാര്ഷിക ദിനത്തില്, കൊല്ലപ്പെട്ടവര്ക്ക് ആദരാഞ്ജലികള് അര്പ്പിച്ചുകൊണ്ട് ലോക്സഭാ പ്രതിപക്ഷ നേതാവ് രാഹുല് ഗാന്ധി സംസാരിച്ചു. വെറുപ്പും ഭയവും വിതയ്ക്കുന്ന ശക്തികള്ക്ക് മുന്നില് ഇന്ത്യ ഒരിക്കലും തലകുനിക്കില്ലെന്നും കൂടുതല് കരുത്തോടെ രാജ്യം ഒറ്റക്കെട്ടായി നിലകൊള്ളുമെന്നും അദ്ദേഹം ആഹ്വാനം ചെയ്തു.
ഒരു വര്ഷം മുന്പ് ഇതേ ദിവസമാണ് പ്രകൃതിഭംഗി തുളുമ്പുന്ന പഹല്ഗാമിലെ ബൈസരന് താഴ്വര ചോരയില് കുതിര്ന്നത്. വിനോദസഞ്ചാരികളെ ലക്ഷ്യമിട്ട് പാക് ഭീകരര് നടത്തിയ ക്രൂരമായ വെടിവെപ്പില് 26 പേര്ക്കാണ് ജീവന് നഷ്ടമായത്. 2008ലെ മുംബൈ ഭീകരാക്രമണത്തിന് ശേഷം സാധാരണക്കാരെ ലക്ഷ്യമിട്ട് നടന്ന ഏറ്റവും വലിയ ആക്രമണമായിരുന്നു ഇത്. ഭീകരതയുടെ ആ ക്രൂരതകള് ഇന്നും രാജ്യത്തിന്റെ മനസ്സില് നടുക്കമായി തുടരുന്നുവെന്ന് രാഹുല് ഗാന്ധി തന്റെ അനുസ്മരണ പ്രസംഗത്തില് കൂട്ടിച്ചേര്ത്തു.
https://www.facebook.com/Malayalivartha
