വിദേശനാണ്യവിനിമയ ചട്ടം (എഫ്‌സിആര്‍എ) ലംഘിച്ചതിന്റെ പേരില്‍ അന്താരാഷ്ട്ര പരിസ്ഥിതി സംഘടനയായ ഗ്രീന്‍പീസിനെതിരെ നടപടി സ്വീകരിച്ചതിനു പിന്നാലെ കേന്ദ്രസര്‍ക്കാര്‍ 8,975 എന്‍ജിഒകളുടെ ലൈസന്‍സ് കൂടി റദ്ദാക്കി. 200910, 201011, 201112 വര്‍ഷങ്ങളിലെ വരവുചെലവു കണക്കുകള്‍ സമര്‍പ്പിക്കാന്‍ പരാജയപ്പെട്ടതിനെ തുടര്‍ന്നാണ് നടപടി. ഞായറാഴ്ചയാണ് കേന്ദ്ര ആഭ്യന്തരമന്ത്രാലയം ലൈസന്‍സ് റദ്ദാക്കുന്ന ഉത്തരവ് പുറത്തിറക്കിയത്.
ഒരു മാസത്തിനുളളില്‍ വാര്‍ഷിക വരവുചെലവു കണക്കുകള്‍ സമര്‍പ്പിക്കണമെന്ന് ആവശ്യപ്പെട്ട് 10,343 എന്‍ജിഒകള്‍ക്ക് നോട്ടീസ് നല്‍കിയിരുന്നു. 2014 ഒക്‌ടോബര്‍ 16 ന് നോട്ടീസ് നല്‍കിയെങ്കിലും കേവലം 229 സംഘടനകള്‍ മാത്രമാണ് മറുപടി നല്‍കിയത്. 8975 സംഘടനകള്‍ പ്രതികരിക്കാന്‍ തയ്യാറാവാത്തതിനെ തുടര്‍ന്നാണ് നടപടിയെന്ന് ആഭ്യന്തരമന്ത്രാലയം വ്യക്തമാക്കുന്നു. എത്രത്തോളം വിദേശ ഫണ്ട് കൈപ്പറ്റി, അത് എന്തിനു വേണ്ടി ചെലവഴിച്ചു തുടങ്ങിയ വിവരങ്ങള്‍ അറിയിക്കണമെന്നായിരുന്നു സര്‍ക്കാരിന്റെ നിര്‍ദ്ദേശം.
പരിസ്ഥിതി സംഘടനയായ ഗ്രീന്‍പീസ് രാജ്യത്തിന്റെ സാമ്പത്തിക സുരക്ഷക്ക് ഭീഷണിയാണെന്ന് പ്രധാനമന്ത്രിയുടെ ഓഫീസിന് ഐബി റിപ്പോര്‍ട്ട് നല്‍കിയിരുന്നു. പ്രക്ഷോഭകാരികളെ സഹായിക്കാനും രാഷ്ട്രീയ ലക്ഷ്യത്തിനു വേണ്ടിയും വിദേശഫണ്ട് ഉപയോഗിക്കുന്നുണ്ടെന്നും ഐബി കണ്ടെത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha