എ.എ.പി റാലിയിലെ ആത്മഹത്യ: ഗജേന്ദ്ര സിംഗിനെ പ്രകോപിപ്പിച്ചുവെന്ന് മൊഴി
ഡല്ഹിയില് ആം ആദ്മി പാര്ട്ടി നടത്തിയ കര്ഷക പ്രതിഷേധ റാലിയില് കര്ഷകന് ആത്മഹത്യ ചെയ്തത് റാലിയില് പങ്കെടുത്തവരുടെ പ്രകോപനം മൂലമെന്ന് സാക്ഷിമൊഴി. ഡല്ഹി പോലീസിന്റെ അന്വേഷണ സംഘത്തിനു മുമ്പാകെയാണ് രണ്ട് ദൃക്സാക്ഷികള് മൊഴിനല്കിയത്.
റാലിയില് പങ്കെടുത്ത ചിലര് മരത്തില് കയറാന് ഗജേന്ദ്ര സിംഗിനെ നിര്ബന്ധിച്ചു. ഇവരുടെ പ്രേരണ ശക്തമായതോടെയാണ് ഗജേന്ദ്ര സിംഗ് മരത്തില് കയറി കഴുത്തില് കുരുക്ക് ഇട്ടതെന്നും സാക്ഷിമൊഴിയില് പറയുന്നു. ദൃക്സാക്ഷികള് രണ്ടു പേരെയും പോലീസ് കേസില് ഉള്പ്പെടുത്തിയിട്ടുണ്ട്.
കേന്ദ്രസര്ക്കാരിന്റെ ഭൂമി ഏറ്റെടുക്കല് നിയമ ഭേദഗതി ബില്ലിനെതിരെ കഴിഞ്ഞയാഴ്ച ജന്തര് മന്തറില് എ.എ.പി സംഘടിപ്പിച്ച റാലിക്കിടെയാണ് ഗജേന്ദ്ര സിംഗ് മരത്തില് കയറി തൂങ്ങിമരിച്ചത്. മുഖ്യമന്ത്രി അരവിന്ദ് കെജ്രിവാളും ഉപമുഖ്യമന്ത്രി മനീഷ് സിസോദിയയും നോക്കിനില്ക്കേയായിരുന്നു ആത്മഹത്യ. സിസോദിയയുടെ അറിവോടെയാണ് ഗജേന്ദ്ര സിംഗ് ആത്മഹത്യ ചെയ്തതെന്ന് അദ്ദേഹത്തിന്റെ കുടുംബാംഗങ്ങള് ആരോപിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
