തീവ്രവാദികള്‍ തട്ടികൊണ്ട് പോയ പെണ്‍കുട്ടികള്‍ക്ക് ഇനി സമാധാനിക്കാം. ബോക്കോ ഹാറം തട്ടിക്കൊണ്ടുപോയ 200 പെണ്‍കുട്ടികളെയും 93 സ്ത്രീകളെയുമാണ് സൈന്യം രക്ഷപ്പെടുത്തിയത്. വടക്കുകിഴക്കന്‍ മേഖലയിലെ സാംബിസയില്‍ സൈന്യം നടത്തിയ തിരച്ചിലിലാണ് ഇവരെ കണ്ടെത്താനായത്. എന്നാല്‍, ചിബോക്ക് ഗ്രാമത്തില്‍നിന്ന് ഒരുവര്‍ഷമാണ് പെണ്‍കുട്ടികളെ തീവ്രവാദികള്‍ തട്ടികൊണ്ട് പോയത്. എന്നാല്‍ ഇതിന് മുമ്പ് തട്ടിക്കൊണ്ടുപോയ പെണ്‍കുട്ടികളല്ല ഇവരെന്ന് സ്ഥിരീകരിച്ചു. ആദ്യം തട്ടി കൊണ്ട് പോയവരെ കുറിച്ച് യാതൊരു വിവരവുമില്ല.

സാംബിസ ഫോറസ്റ്റില്‍നിന്ന് 293 പേരെ രക്ഷപ്പെടുത്തിയെ കാര്യം സൈന്യം തന്നെയാണ് ട്വിറ്ററിലൂടെ അറിയിച്ചത്. ചിബോക്കില്‍നിന്ന് തട്ടിയെടുത്ത പെണ്‍കുട്ടികള്‍ ഈ സംഘത്തിലുണ്ടെന്ന കാര്യം ഉറപ്പില്ലെന്നും സൈന്യത്തിന്റെ ട്വീറ്റില്‍പ്പറയുന്നു. പെണ്‍കുട്ടികളെ രക്ഷിച്ചതിനൊപ്പം സാംബിസയിലെ തീവ്രവാദികളുടെ മൂന്ന് ക്യാമ്പുകളും സൈന്യം തകര്‍ത്തു. ചിബോക്കില്‍നിന്ന് തട്ടിയെടുത്ത പെണ്‍കുട്ടികളില്‍ കുറച്ചുപേരെയെങ്കിലും ഇവിടെയുള്ള ക്യാമ്പുകളില്‍ പാര്‍പ്പിച്ചിട്ടുണ്ടാകാമെന്നാണ് അന്വേഷണ ഉദ്യോഗസ്ഥര്‍ നേരത്തെ കരുതിയിരുന്നത്.

എന്നാല്‍, അമേരിക്കന്‍ സൈന്യത്തിനും അവരെ കണ്ടെത്താന്‍ കഴിഞ്ഞിരുന്നില്ല. മേഖലയുടെ നിയന്ത്രണം തിരിച്ചുപിടിക്കുന്നതിന് യുദ്ധവിമാനങ്ങളുടെ അകമ്പടിയോടെ നൈജീരിയന്‍ സൈന്യം സാംബിസ ഫോറസ്റ്റ് വളയുകയായിരുന്നു. സാംബിസ ഫോറസ്റ്റിലെ അലാഫയില്‍പ്പെട്ട സാസ്സ, ടോക്കുംബെറെ എന്നീ തീവ്രവാദി ക്യാമ്പുകളാണ് സൈന്യം തകര്‍ത്തത്.

സൈന്യം രക്ഷപ്പെടുത്തിയ പെണ്‍കുട്ടികളുടെ ദൃശ്യങ്ങള്‍ നാളെ പുറത്തുവിടുമെന്ന് അധികൃതര്‍ പറഞ്ഞു. അവര്‍ ബോക്കോ ഹാറം തീവ്രവാദികളെ വിവാഹം കഴിച്ചിട്ടുണ്ടോ എന്ന കാര്യവും പരിശോധിക്കുന്നുണ്ട്. ചിബോക്കില്‍നിന്നുള്ള കുട്ടികള്‍ ഇതില്‍പ്പെടുന്നുണ്ടോ എന്ന കാര്യവും അതിനുശേഷമേ സ്ഥിരീകരിക്കാനാവൂ എന്ന് സൈനിക അധികൃതര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha