ദേശീയ അന്വേഷണ ഏജന്‍സി കഴിഞ്ഞ ദിവസം പശ്ചിമ ബംഗാളിലെ മുര്‍ഷിദാബാദില്‍ നിന്ന് പിടികൂടിയ അല്‍ഖ്വയ്ദ തീവ്രവാദികളുടെ വീടിന് സമീപം രഹസ്യ അറ കണ്ടെത്തി.

ആറ് അല്‍ഖ്വയ്ദ തീവ്രവാദികളില്‍ ഒരാളായ അബുസൂഫിയാന്റെ വീടിന് സമീപത്ത് നിന്നാണ് രഹസ്യ ചേമ്പര്‍ കണ്ടെത്തിയത്.

ഒമ്പത് അല്‍ഖ്വയ്ദ തീവ്രവാദികളെ ശനിയാഴ്ചയാണ് ദേശീയ അന്വേഷണ ഏജന്‍സി കേരളത്തില്‍ നിന്നും പശ്ചിമ ബംഗാളില്‍ നിന്നുമായി അറസ്റ്റ് ചെയ്തത്.

സെപ്റ്റിക് ടാങ്കിന് വേണ്ടിയെടുത്ത കുഴിയാണിതെന്നാണ് സൂഫിയാന്റെ ഭാര്യ മാധ്യമപ്രവര്‍ത്തകരോട് പറഞ്ഞത്.

അന്വേഷണ ഉദ്യോഗസ്ഥരോടും ഇക്കാര്യം പറഞ്ഞതായി അവര്‍ വ്യക്തമാക്കി.

ഒരു മണിക്കൂറോളം നീണ്ടുനിന്ന റെയ്ഡില്‍ നിരവധി ഇലക്ട്രോണിക് ഉപകരണങ്ങളും ഒരു ബള്‍ബ് ബോര്‍ഡും കണ്ടെത്തിയിരുന്നു.