ഇംഗ്ലിഷ് സംസാരിക്കാത്ത രാജ്യത്തെ 80 ശതമാനത്തോളം വരുന്ന ജനതയെ ലക്ഷ്യമിട്ട് ദക്ഷിണേന്ത്യന്‍ ഭാഷകളിലും ഹിന്ദിയിലും സേവനങ്ങള്‍ ലഭ്യമാക്കി ആമസോണ്‍. മലയാളം, തമിഴ്, കന്നഡ, തെലുഗു എന്നീ ദക്ഷിണേന്ത്യന്‍ ഭാഷകളിലാണ് ആമസോണ്‍ ഇന്ത്യയുടെ വെബ്‌സൈറ്റും മൊബൈല്‍ ആപ്പുകളും ലഭ്യമാവുക.

'80 ശതമാനം പേര്‍ ഇംഗ്ലീഷ് സംസാരിക്കാത്തവരും ഒരുപക്ഷേ അവര്‍ക്ക് ഇഷ്ടമുള്ള ഭാഷയില്‍ സേവനങ്ങള്‍ ഉപയോഗിക്കാന്‍ താല്‍പ്പര്യപ്പെടുന്നതുമായ ഒരു രാജ്യത്ത്, അത് ആമസോണ്‍ അവര്‍ക്ക് ലഭ്യമാക്കുന്നു.. ഞങ്ങള്‍ സേവനങ്ങള്‍ എങ്ങനെ വാഗ്ദാനം ചെയ്യുന്നു എന്നത് അവര്‍ക്ക് പ്രധാനമാണ്,' ആമസോണ്‍ ഇന്ത്യ കസ്റ്റമര്‍ എക്‌സ്പീരിയന്‍സ് ആന്‍ഡ് മാര്‍ക്കറ്റിംഗ് ഡയറക്ടര്‍ പറയുന്നു. ഇതിലൂടെ പുതുതായി 200 ദശലക്ഷം മുതല്‍ 300 ദശലക്ഷം വരെ ഉപഭോക്താക്കളെ ആകര്‍ഷിക്കാന്‍ സാധിക്കുമെന്നും അദ്ദേഹം പറഞ്ഞു.