ചൈനയ്ക്ക് മുന്നറിയിപ്പുമായി ഇന്ത്യ... അതിക്രമിച്ചു കയറാന് ശ്രമിച്ചാല് വെടിവെയ്ക്കും; ഇന്ത്യന് സൈന്യത്തിന് നേരെ ആക്രമിക്കാന് മുതിര്ന്നാല് നിറയൊഴിക്കാനുള്ള അനുവാദം നല്കിയിട്ടുണ്ടെന്നും അധികൃതര്
ഇന്ത്യന് അതിര്ത്തിയില് അതിക്രമിച്ചു കയറാന് ചൈന ശ്രമിച്ചാല് വെടിവെയ്ക്കുമെന്ന് ഇന്ത്യന് സൈന്യത്തിന്റെ മുന്നറിയിപ്പ്. വെടി വയ്ക്കാന് സൈന്യത്തിന് അനുവാദം നല്കിയതായി അധികൃതര് പറഞ്ഞു. ഷൂട്ടിങ് റെയ്ഞ്ചില് എത്തിയാല് വെടിവെക്കുമെന്ന് ചൈനീസ് സൈന്യത്തിന് മുന്നറിയിപ്പ് നല്കിയതായും അധികൃതര് വ്യക്തമാക്കി.
സൈന്യത്തിന്റെ അടുത്തേക്ക് വന്നാല് നിശ്ചയമായും വെടിയുതിര്ക്കും. ഏത് പ്രദേശം, സമയം എന്നിവയെ ആശ്രയിച്ചിരിക്കും ഇക്കാര്യം നടപ്പിലാക്കുക. ഇന്ത്യന് സൈന്യത്തിന് നേരെ ആക്രമിക്കാന് മുതിര്ന്നാല് നിറയൊഴിക്കാനുള്ള അനുവാദം നല്കിയിട്ടുണ്ടെന്നും അധികൃതര് പറഞ്ഞു.
ആറാമത് സൈനിക നേതൃതല ചര്ച്ചയ്ക്ക് ശേഷം കൂടുതല് സേനാവിന്യാസം നടത്തരുതെന്ന കാര്യം ചൈന അംഗീകരിച്ചിട്ടുണ്ട്. എന്നാല്, സംഘര്ഷം അവസാനിപ്പിക്കുന്നതിനായി ചൈനയുടെ ഭാഗത്തുനിന്നും ശക്തമായ മാറ്റമുണ്ടാകുന്നതുവരെ ഇന്ത്യ സൈന്യത്തെ പിന്വലിക്കില്ല. ആദ്യം കടന്നുകയറിയത് ചൈനയായതിനാല് അവര് തന്നെയാദ്യം പിന്മാറട്ടേയെന്ന നിലപാടാണ് ഇന്ത്യ സ്വീകരിച്ചിരിക്കുന്നത്.
https://www.facebook.com/Malayalivartha