യു.എന്. ജനറല് അസംബ്ലിയുടെ 75-ാം സമ്മേളനത്തെ പ്രധാനമന്ത്രി ഇന്ന് അഭിസംബോധന ചെയ്യും
ഐക്യരാഷ്ര്ട സഭാ ജനറല് അസംബ്ലിയുടെ 75-ാം സമ്മേളനത്തെ പ്രധാനമന്ത്രി നരേന്ദ്ര മോഡി ഇന്ന് അഭിസംബോധന ചെയ്യും. പൊതുചര്ച്ചയില് ഉച്ചയ്ക്കു മുമ്പുള്ള ആദ്യ പ്രസംഗം മോഡിയുടേതായിരിക്കും.
ഇത്തവണത്തെ സമ്മേളനത്തിന്റെ അജന്ഡ കോവിഡ് പ്രതിരോധത്തിനുള്ള പദ്ധതികളാണ്. കോവിഡ് പശ്ചാത്തലത്തില് ഇത്തവണത്തെ ജനറല് അസംബ്ലി വെര്ച്വലായാണ് യോഗം ചേരുന്നത്. മുന്കൂട്ടി തയ്യാറാക്കിയ വീഡിയോയിലൂടെയാണ് പ്രധാനമന്ത്രി സമ്മേളനത്തെ അഭിസംബോധന ചെയ്യുന്നത്.
ഭീകരവാദത്തിനെതിരായ നടപടികള് ശക്തിപ്പെടുത്തേണ്ടതിന്റെ ആവശ്യകതയ്ക്ക് പ്രസംഗത്തില് പ്രധാനമന്ത്രി ഊന്നല് നല്കുമെന്നാണ് സൂചന. കാലാവസ്ഥാ വ്യതിയാനം, സുസ്ഥിരവികസനം, യുഎന്നിന്റെ സമാധാന ദൗത്യങ്ങള് തുടങ്ങിയവ സംബന്ധിച്ച വിഷയത്തില് ഇന്ത്യയുടെ സജീവ ഇപെടല് ഉണ്ടാകും.
https://www.facebook.com/Malayalivartha