രാഷ്ട്രപതി രാംനാഥ് കോവിന്ദ് കാര്‍ഷിക പരിഷ്കരണ ബില്ലുകളില്‍ ഒപ്പിട്ടു
കര്‍ഷകസംഘടനകളുടെയും പ്രതിപക്ഷത്തിന്റെയും പ്രതിഷേധം വകവെക്കാതെ രാഷ്ട്രപതി രാംനാഥ് കോവിന്ദ് കാര്‍ഷിക പരിഷ്കരണ ബില്ലുകളില്‍ ഒപ്പിട്ടു. ഇതോടെ കാര്‍ഷികോല്‍പ്പന്ന വ്യാപാര–-വാണിജ്യ (പ്രോത്സാഹനവും സൗകര്യമൊരുക്കലും) ബില്‍, വില ഉറപ്പിനും കാര്‍ഷികസേവനങ്ങള്‍ക്കും വേണ്ടിയുള്ള കര്‍ഷകശാക്തീകരണ, സംരക്ഷണ ബില്‍, അവശ്യവസ്തുനിയമ ഭേദഗതി ബില്‍ എന്നിവ നിയമമായി മാറി.
ചട്ടം ലംഘിച്ച്‌ രാജ്യസഭയില്‍ ശബ്ദവോട്ടോടെ പാസാക്കിയ ബില്ലുകള്‍ തിരിച്ചയക്കണമെന്ന് ആവശ്യപ്പെട്ട് പ്രതിപക്ഷം രാഷ്ട്രപതിക്ക് നിവേദനം നല്‍കിയിരുന്നു. ഈ നിയമ നിര്‍മാണങ്ങള്‍ക്കെതിരെ രാജ്യമെമ്ബാടും പ്രക്ഷോഭം ശക്തമായിരിക്കുകയാണ്. ബില്ലുകള്‍ക്ക് രാഷ്ട്രപതി അനുമതി നല്‍കിയത് ദൗര്‍ഭാഗ്യകരവും അസ്വസ്ഥജനകവുമാണെന്ന് പഞ്ചാബ് മുഖ്യമന്ത്രി ക്യാപ്റ്റന്‍ അമരീന്ദര്‍ സിങ് പ്രതികരിച്ചു. ജനാധിപത്യത്തിനും കര്‍ഷകര്‍ക്കും കറുത്ത ദിനമാണെന്ന് എസ്‌എഡി അധ്യക്ഷന്‍ സുഖ്ബീര്‍ സിങ് ബാദല്‍ പ്രതികരിച്ചു. ഒക്ടോബര്‍ ഒന്നിന് പഞ്ചാബില്‍ ഉടനീളം ട്രാക്ടര്‍ റാലികള്‍ നടത്തുമെന്ന് അദ്ദേഹം അറിയിച്ചു.
https://www.facebook.com/Malayalivartha
