യാത്രയ്ക്കിടെ കാമുകിയുമായി തര്ക്കം... കാമുകിയെ വെടിവച്ച ശേഷം റോഡില് ഉപേക്ഷിച്ച് പോലീസുകാരന്
യാത്രയ്ക്കിടെ കാമുകിയെ വെടിവച്ച് പരിക്കേല്പ്പിച്ച് ഓടി രക്ഷപ്പെട്ട പോലീസുകാരന് ഒളിവില്. ഇയാളെ കണ്ടെത്താന് പോലിസ് ശ്രമം ഊര്ജ്ജിതമാക്കിയതായി പോലിസ് അറിയിച്ചു. 36 കാരനായ സന്ദീപ് ദാഹിയയും ഭാര്യയും തമ്മില് വേര്പിരിഞ്ഞതിനാല് വെവ്വേറേയാണ് താമസം. കഴിഞ്ഞ ഒരുവര്ഷമായി ഇയാള്ക്ക് മറ്റൊരു സ്ത്രീയുമായി ബന്ധമുണ്ടായിരുന്നു. യാത്രയ്ക്കിടെ ഇയാള് കാമുകിയുമായി കാറില് നിന്ന് വഴക്കിട്ടു. തര്ക്കം രൂക്ഷമായതിന് പിന്നാലെ എസ്ഐ യുവതിക്ക് നേരെ വെടിയുതിര്ക്കുകയായിരുന്നു. അതിന് ശേഷം യുവതിയെ റോഡില് ഉപേക്ഷിച്ചു. അതുവഴി എത്തിയ മറ്റൊരു പൊലീസ് ഉദ്യോഗസ്ഥന് യുവതിയെ ആശുപത്രിയില് എത്തിക്കുകയായിരുന്നു. യുവതി വിവരങ്ങള് പൊലീസിനോട് പറഞ്ഞതിന്റെ അടിസ്ഥാനത്തിലാണ് എസ്ഐക്കെതിരെ കേസെടുത്തത്. യുവതിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു.
എന്നാല് ഇയാള് ഭാര്യാപിതാവിനെ വെടിവച്ച് കൊന്നു. ഭാര്യയെ കൊലപ്പെടുത്തുക എന്ന ലക്ഷ്യത്തോടെ സന്ദീപ് ദാഹിയ ഭാര്യയുടെ മാതൃവീട്ടില് പോയിരുന്നെങ്കിലും അവിടെയുണ്ടായിരുന്ന പിതാവ് രണ്വീര് സിങ്ങിനെ വെടിവച്ചു കൊലപ്പെടുത്തുകയായിരുന്നു. ഡല്ഹി പോലീസില് സബ് ഇന്സ്പെക്ടറായ സന്ദീപ് ദാഹിയയാണ് ഇന്നലെ രാത്രി ഹരിയാനയിലെ റോഹ്തക്കില് വച്ച് തന്റെ ഭാര്യാപിതാവിനെ വെടിവച്ച് കൊലപ്പെടുത്തിയതെന്ന് പോലിസ് പറഞ്ഞു. വെടിവയ്ക്കാന് ഉപയോഗിച്ച സര്വീസ് റിവോള്വറുമായി പോലിസ് ഉദ്യോഗസ്ഥന് ഓടി രക്ഷപ്പെട്ടു.
https://www.facebook.com/Malayalivartha