ഇന്ത്യ- ചൈന അതിര്ത്തിയില് കൂടുതല് ടാങ്കുകള് സജ്ജമാക്കി ഇന്ത്യ
ഇന്ത്യയും ചൈനയും തമ്മില് സംഘര്ഷം രൂക്ഷമായി തുടരവേ മൈനസ് 40 ഡിഗ്രി വരെയുള്ള താപനിലയില് പ്രവര്ത്തിക്കാന് കെല്പുള്ള ടി 90, ടി 72 ടാങ്കുകള് കിഴക്കന് ലഡാക്ക് മേഖലയില് ഇന്ത്യ സജ്ജമാക്കി. കൊടുംതണുപ്പില് പ്രവര്ത്തിക്കുന്ന സായുധ വാഹനങ്ങളും അതിര്ത്തിയിലെത്തിച്ചിട്ടുണ്ട്. അതിര്ത്തിയിലുടനീളം ആകാശ് മിസൈലുകളും വിന്യസിച്ചിട്ടുണ്ട്. കരയില്നിന്ന് ആകാശത്തെ ലക്ഷ്യങ്ങളിലേക്കു തൊടുക്കുന്ന മിസൈലാണ് ആകാശ്.
സൈനികര്ക്കും ശൈത്യം അതിജീവിക്കാന് ആവശ്യമായ ഭക്ഷ്യപദാര്ഥങ്ങള്, ടെന്റുകള്, വസ്ത്രങ്ങള് എന്നിവ അതിര്ത്തിയിലെത്തിച്ചിട്ടുണ്ട്.
ചൈനയുടെ ഭാഗത്തു നിന്നുള്ള ഏതു പ്രകോപന നീക്കവും നേരിടാന് പൂര്ണ സജ്ജമാണെന്നും ശൈത്യകാലത്തും സേനാ വിന്യാസം തുടരുമെന്നും കരസേനാ വൃത്തങ്ങള് പറഞ്ഞു.
അടുത്ത മാസം അവസാനത്തോടെ ശൈത്യം പിടിമുറുക്കും. രാത്രി താപനില കുറയുന്നതോടെ, അതിര്ത്തിയിലെ പോരാട്ടം സൈനികരുടെ ശാരീരിക ക്ഷമതയുടെ കൂടി പരീക്ഷണമാകും.
https://www.facebook.com/Malayalivartha
