ഹാഥ്റസ് കൂട്ടബലാത്സംഗ കൊലപാതക കേസ്... പോലീസ് നടപടിയില് വിഴ്ചയുണ്ടായതിനെ തുടര്ന്ന് മുതിര്ന്ന പോലീസ് ഉദ്യോഗസ്ഥന് അടക്കം അഞ്ച് പോലീസ് ഉദ്യോഗസ്ഥര്ക്ക് സസ്പെന്ഷന്
ഹാഥ്റസ് കൂട്ടബലാത്സംഗ കൊലപാതക കേസില് പോലീസ് നടപടിയില് വിഴ്ചയുണ്ടായതിനെ തുടര്ന്ന് മുതിര്ന്ന പോലീസ് ഉദ്യോഗസ്ഥന് അടക്കം അഞ്ച് പോലീസ് ഉദ്യോഗസ്ഥര്ക്ക് സസ്പെന്ഷന്. പോലീസ് സൂപ്രണ്ട് അടക്കം അഞ്ചു പോലീസുകാര്ക്കെതിരെയാണ് നടപടി. സംഭവത്തില് ഉത്തര്പ്രദേശ് പോലീസിനെതിരെ രാജ്യമെങ്ങും ശക്തമായ പ്രക്ഷോഭം ഉയര്ന്നതിനെ തുടര്ന്നാണ് ഇത്. കൂട്ടബലാത്സംഗത്തെക്കുറിച്ച് േേഅന്വഷിക്കാന് രൂപവത്കരിച്ച പ്രത്യേക അന്വേഷണ സംഘത്തിന്റെ പ്രാഥമിക റിപ്പോര്ട്ടിന്റെ അടിസ്ഥാനത്തിലാണ് നടപടി.
കേസ് കൈകാര്യം ചെയ്തതില് പോലീസിന്റെ ഭാഗത്തുനിന്ന് വീഴ്ച സംഭവിച്ചതായി കണ്ടെത്തിയതിനെ തുടര്ന്നാണ് പോലീസ് ഉദ്യോഗസ്ഥര്ക്കെതിരെ നടപടി സ്വീകരിച്ചതെന്നാണ് റിപ്പോര്ട്ട്.
സെപ്റ്റംബര് പതിനാലിനാണ് ഹാഥ്റസില് യുവതി കൂട്ടബലാത്സംഗത്തിന് ഇരയായത്. അമ്മയ്ക്കൊപ്പം പുല്ലരിയാന് വയലില് പോയപ്പോള് നാലുപേര് ചേര്ന്ന് ക്രൂരമായി ബലാത്സംഗം ചെയ്യുകയായിരുന്നു. അക്രമികള് യുവതിയുടെ നാവ് മുറിച്ചുമാറ്റുകയും ശരീരത്തില് മാരകമായി പരിക്കേല്പ്പിക്കുകയും ചെയ്തിരുന്നു. ചികിത്സയിലായിരുന്ന യുവതി 22ന് വൈകുന്നേരത്തോടെ മരിച്ചു. മൃതദേഹം ബന്ധുക്കള്ക്ക് വിട്ടുനല്കാതെ പോലീസ് ബലമായി സംസ്്കരിക്കുകയായിരുന്നെന്നും പ്രതികളെ രക്ഷിക്കാന് പോലീസ് ശ്രമിക്കുന്നതായും ആരോപണം ഉയര്ന്നിട്ടുണ്ട്.
https://www.facebook.com/Malayalivartha
