ആര്‍ജെഡി നേതാവ് തേജസ്വി യാദവ് ബിഹാര്‍ നിയമസഭാ തിരഞ്ഞെടുപ്പില്‍ മത്സരിക്കുന്നതിന് 50 ലക്ഷം രൂപ ആവശ്യപ്പെട്ടെന്നാരോപിച്ച ദലിത് നേതാവ് ശക്തി മാലിക് (37) പുര്‍ണിയയിലെ വീടിനുള്ളില്‍ വെടിയേറ്റു മരിച്ചു.

ആര്‍ജെഡി എസ്സി/എസ്ടി സെല്‍ സംസ്ഥാന പ്രസിഡന്റായിരുന്ന മാലിക്കിനെ ആരോപണത്തെ തുടര്‍ന്ന് പാര്‍ട്ടി പുറത്താക്കിയിരുന്നു

ഉറങ്ങിക്കിടക്കവേയാണ് മാലിക്കിനെ വെടിവച്ചു കൊന്നത്. ബൈക്കിലെത്തിയ 3 പേര്‍ വീട്ടിനുള്ളില്‍ കടന്നുകയറിയാണ് കൊലപ്പെടുത്തിയത്.

മാലിക്കിനെ തേജസ്വി ജാതീയമായി അധിക്ഷേപിക്കുന്നതും ഇല്ലാതാക്കുമെന്ന് പറയുന്നതുമായ വിഡിയോ സംഭവത്തിനുശേഷം വ്യാപകമായി പ്രചരിക്കുന്നുണ്ട്.