ബിജെപി സര്‍ക്കാര്‍ അധികാരത്തില്‍ എത്തിയ നാള്‍ മുതല്‍ വിവിധ രാജ്യങ്ങളും ഇന്ത്യയിലെ ഓരോ ജനങ്ങളും മോഡിയ്‌ക്കെതിരെ നിരവധി സംശയങ്ങളാണ് ഉന്നയിച്ചത്. പ്രധാനമായും ജാതിപ്രശ്‌നത്തിന്റെ പേരിലായിരുന്നു പലര്‍ക്കും സംശയം. ബിജെപി സര്‍ക്കാരിന്റെ നയങ്ങള്‍ക്ക് നേരെയും നിരവധി സംശയങ്ങളാണ് ഉയര്‍ന്നത്. എന്നാല്‍ അതിനെല്ലാം മറുപടിയുമായി മോഡി രംഗത്തെത്തി. \'ടൈം\' മാഗസിന് നല്‍കിയ അഭിമുഖത്തിലാണ് മോഡി സത്യം തുറന്ന് പറഞ്ഞത്.
അത്തരമൊരു സമീപനം എവിടെ നിന്നുണ്ടായാലും അംഗീകരിക്കില്ലെന്നും അദ്ദേഹം കൂട്ടിച്ചേര്‍ത്തു.

എല്ലാ മതങ്ങളെയും ബിജെപി സര്‍ക്കാര്‍ ഒരുപോലയാണ് നോക്കികാണുന്നത്. സര്‍ക്കാറിന്റെ സേവനങ്ങള്‍ എല്ലാ മതക്കാര്‍ക്കും ഒരേപോലെ ലഭിക്കാന്‍ തന്റെ സര്‍ക്കാര്‍ സന്നദ്ധമാണ്. എവിടെയെങ്കിലും ആര്‍ക്കെങ്കിലും പരാതി ഉണ്ടെങ്കില്‍ അത് നിമിഷങ്ങള്‍ക്കകം പരിഹരിക്കാന്‍ തയാറാണെന്നും മോദി വ്യക്തമാക്കി. ന്യൂനപക്ഷ അവകാശങ്ങളെപ്പറ്റി ആശങ്ക വേണ്ട. ന്യൂനപക്ഷങ്ങളെപ്പറ്റി ചില ബിജെപി നേതാക്കള്‍ നടത്തിയ വിവാദ പ്രസ്താവനകള്‍ അപ്പോള്‍ തന്നെ തിരുത്തിയിട്ടുണ്ടെന്നും ബിജെപിയെ സംബന്ധിച്ച് ഇന്ത്യന്‍ ഭരണഘടനയാണ് വിശുദ്ധ ഗ്രന്ഥമെന്നും പ്രധാനമന്ത്രി അഭിമുഖത്തില്‍ വ്യക്തമാക്കി. രാജ്യത്തിന്റെ സുരക്ഷയാണ് പ്രധാനം.
അത് പോലെ തന്നെ രാജ്യത്തിന്റെ ഐക്യവും അഖണ്ഡതയുമാണ് അതില്‍ പരമപ്രധാനം. എല്ലാ മതങ്ങള്‍ക്കും എല്ലാ വിഭാഗങ്ങള്‍ക്കും തുല്യ അവകാശമാണുള്ളതെന്നും അവരുടെ പൂര്‍ണസുരക്ഷ ഉറപ്പുവരുത്തേണ്ടത് പ്രധാനമന്ത്രിയെന്ന നിലയില്‍ തന്റെ ഉത്തരവാദിത്വമാണെന്നും നരേന്ദ്ര മോഡി പറഞ്ഞു. തന്റെ സര്‍ക്കാരിന്റെ കുറ്റങ്ങള്‍ മാത്രമല്ല ജനങ്ങള്‍ കാണോണ്ടത്. മറിച്ച് കഴിഞ്ഞ സര്‍ക്കാരിന്റെ കുറ്റങ്ങളും കണ്ടെത്തണമെന്നും അദ്ദേഹം പറഞ്ഞു.
യുപിഎ സര്‍ക്കാരിന്റെ കാലത്ത് നയപരമായ മരവിപ്പായിരുന്നു രാജ്യം നേരിട്ടിരുന്ന പ്രശ്‌നം. നേതൃത്വം എന്നൊന്ന് രാജ്യത്തില്ലായിരുന്നു. ഇന്ന് ലോകരാജ്യങ്ങള്‍ ഭാരതത്തെക്കുറിച്ചും ഭാരതം നല്‍കുന്ന അവസരങ്ങളെക്കുറിച്ചും അതിശയവും ആവേശവും പ്രകടിപ്പിക്കുകയാണ്. ഇന്ത്യയ്ക്ക് വലിയ സാമ്പത്തിക ഭാവിയുണ്ടെന്ന് ഐഎംഎഫും ലോകബാങ്കും ക്രെഡിറ്റ് ഏജന്‍സിയായ മൂഡിയും എല്ലാം ഒരേ സ്വരത്തിലാണ് ഇപ്പോള്‍ പറയുന്നത്. കഴിഞ്ഞ സര്‍ക്കാര്‍ പത്ത് വര്‍ഷം കൊണ്ട് ചെയ്തതും തന്റെ സര്‍ക്കാര്‍ പത്ത് മാസം കൊണ്ട് വരുത്തിയ മാറ്റവുമാണ് വിലയിരുത്തേണ്ടതെന്നും പ്രധാനമന്ത്രി കൂട്ടിച്ചേര്‍ത്തു.തീവ്രവാദത്തെ മതത്തിന്റെ ചട്ടക്കൂട്ടില്‍ നിന്ന് മാറ്റി നിര്‍ത്തണം. മതത്തെയും തീവ്രവാദത്തെയും ബന്ധപ്പെടുത്തി പ്രചാരണം നടത്തുന്നവരെയാണ് ഒറ്റപ്പെടുത്തേണ്ടത്.

കേവലം ക്രമസമാധാന പ്രശ്‌നമായി മാത്രമാണ് ചില രാജ്യങ്ങള്‍ തീവ്രവാദത്തെ കാണുന്നത്. എന്നാല്‍ ഇതിനപ്പുറം മാനുഷീക മൂല്യങ്ങള്‍ സംരക്ഷിക്കാനുള്ള പോരാട്ടമായി തീവ്രവാദവിരുദ്ധ പ്രവര്‍ത്തനങ്ങളെ കാണണം. തീവ്രവാദ സംഘങ്ങളുടെ പേരുകള്‍ മാത്രമാണ് മാറുന്നത്. ഇന്ന് താലിബാനും ഇസ്്‌ലാമിക് സ്‌റ്റേറ്റുമാണെങ്കില്‍ നാളെ മറ്റേതെങ്കിലും പേരുകളിലാകും അവര്‍ അറിയപ്പെടുക. ലോകരാജ്യങ്ങളെ തീവ്രവാദ ഭീഷണിയില്‍ നിന്ന് രക്ഷപെടുത്താന്‍ ഐക്യരാഷ്ട്രസഭയുടെ ഇടപെടലാണ് ആവശ്യമെന്നും പ്രധാനമന്ത്രി പറഞ്ഞു. ടൈം എഡിറ്റര്‍ നാന്‍സി ഗിബ്‌സ് ഉള്‍പ്പെടെയുള്ള പത്രാധിപ സമിതിയംഗങ്ങളുമായി രണ്ട് മണിക്കൂറോളമാണ് പ്രധാനമന്ത്രി സംസാരിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha