സമീപകാലത്ത് നടന്ന ഉത്സവകാല വിൽപനയുടെ ആദ്യ നാല്​ ദിവസങ്ങളിൽ തന്നെ ഇ-കോമേഴ്​സ്​ ഭീമൻമാരായ ആമസോണും ഫ്ലിപ്​കാർട്ടും നേടിയത്​ 26,000 കോടിയെന്ന് റിപ്പോർട്ട്. എന്നാലിതാ കൺസൾട്ടൻറുമാരായ ഫോർസ്​റ്ററിന്റെയും റെഡ്​ഷീറിന്റെയും വിലയിരുത്തലിൽ ഒക്​ടേബാർ 15 മുതൽ 22 വരെയുള്ള ഉത്സവകാല വിൽപന കാലയളവിൽ ആമസോണും ഫ്ലിപ്​കാർട്ടും കൂടി 4.7 ബില്യൺ ഡോളർ നേടുമെന്നും പറയുകയുണ്ടായി..

അതേസമയം വിൽപനയുടെ ആദ്യദിവസങ്ങളിൽ തന്നെ ആളുകൾ വലിയ രീതിയിൽ സാധനങ്ങൾ വാങ്ങുകയുണ്ടായി. പുതിയ ഉൽപനങ്ങളുടെ ലോഞ്ചുകളും വിൽപന കൂടാൻ സഹായിച്ചുവെന്ന്​ ആമസോൺ ഇന്ത്യ വൈസ്​​ പ്രസിഡൻറ്​ മനീഷ്​ തിവാരി വ്യക്തമാക്കി. ഈ കാലയളവിൽ 1,100ഓളം പുതിയ ഉൽപനങ്ങളാണ്​ ആമസോണിലൂടെ വന്നത്​. ഒപ്പം സാംസങ്​, ആപ്പിൾ, ഷവോമി, വൺ പ്ലസ്​, അസൂസ്​, ലെനാവോ, എച്ച്​.പി, എൽ.ജി, വേൾപൂൾ, ബജാജ്​ എന്നി കമ്പനികളുടെ പുതിയ ഉൽപന്നങ്ങൾ ആമസോണിൽ വിൽപനക്കെത്തിയെന്നും മനീഷ്​ തിവാരി പറഞ്ഞു.

എന്നാൽ ഉത്സവാകാല വിൽപനയിൽ ഇലക്​ട്രിക്​ ഉൽപനങ്ങളാണ്​ അധികമായി വിറ്റുപോ​യതെന്ന്​ ഫ്ലിപ്​കാർട്ട്​ വക്താവ് വ്യക്തമാക്കി. ഇതിലൂടെ ലാപ്​ടോപ്​, ടെലിവിഷനുകൾ, ഐ.ടി ആക്​സസറീസ്​ തുടങ്ങിയവക്കെല്ലാം വൻ ഡിമാൻഡായിരുന്നു. വീട്ടിലിരുന്ന്​ ജോലി സംവിധാനം വ്യാപകമാക്കപ്പെട്ടതോടെ ഐ.ടി ആക്​സസറീസി​െൻറ വിൽപന ഉയർന്നതായും കാണുവാൻ സാധിച്ചു. അതോടൊപ്പം തന്നെ 2019ൽ ആറ്​ ദിവസമായിരുന്നു ഓൺലൈൻ ഷോപ്പിങ്​ സൈറ്റുകളിലെ ഉത്സവകാല വിൽപന തകൃതിയായി നടന്നത്. അന്ന്​ 20,000 കോടിയുടെ സാധനങ്ങളാണ്​ വിറ്റുപോയത്​.