അര്‍ണബ് ഗോസ്വാമിയുടെ കഷ്ടകാലം തുടരുന്നു; റിപ്പബ്ലിക് ടി.വിയെ ഒതുക്കാന്‍ മഹാരാഷ്ട്ര സര്‍ക്കാര്‍; റിപ്പബ്ലിക് ടിവി എഡിറ്റോറിയല്‍ അംഗങ്ങള്‍ക്കെതിരേ മുംബൈ പോലീസ് കേസ് രജിസ്റ്റര്‍ ചെയ്തു; കേസ് പോലീസിനെ അപകീര്‍ത്തിപ്പെടുത്തിയതിന്
ടി.ആര്‍.പി റേറ്റിംഗ് കേസിന് പുറമേ റിപ്ലബ്ലിക് ടി.വിക്കെതിരെ വേറയും കേസ് രജിസ്റ്റര്‍ ചെയ്ത് മഹാരാഷ്ട്ര പോലീസ്. റിപ്പബ്ലിക് ടിവി എഡിറ്റോറിയല്‍ അംഗങ്ങള്‍ക്കെതിരേ മുംബൈ പോലീസ് ജാമ്യമില്ലാ വകുപ്പ് പ്രകാരം കേസ് രജിസ്റ്റര്‍ ചെയ്തിയിരിക്കുന്നത്. മുംബൈ പോലീസിനെ അപകീര്‍ത്തിപ്പെടുത്തുകയും സേനയിലെ അംഗങ്ങള്‍ക്കിടയില്‍ അസംതൃപ്തി സൃഷ്ടിക്കുന്നതുമായ റിപ്പോര്‍ട്ടുകള്‍ പ്രക്ഷേപണം ചെയ്തുവെന്നാണ് കേസ്.
സ്‌പെഷ്യല്‍ ബ്രാഞ്ച് സബ് ഇന്‍സ്‌പെക്ടര്‍ ശശികാന്ത് പവാറിന്റെ പരാതിയില്‍ എന്‍എം ജോഷി മാര്‍ഗ് പോലീസാണ് കേസ് എടുത്തിരിക്കുന്നത്. പോലീസ് ആക്റ്റ് സെക്ഷന്‍ 3(1), ഐപിസി സെക്ഷന്‍ 500 അടക്കമുള്ളവ പ്രകാരമാണ് കേസ്. റിപ്പബ്ലിക്ക് ടിവി സംപ്രേക്ഷണം ചെയ്ത പ്രസ്താവനകളും എഫ്‌ഐആറില്‍ ഉള്‍പ്പെടുത്തിയിട്ടുണ്ട്. ഡെപ്യൂട്ടി ന്യൂസ് എഡിറ്റര്‍ സാഗരിക മിത്ര, ആങ്കറും അസോസിയേറ്റ് എഡിറ്ററുമായ ശിവാനി ഗുപ്ത, ഡെപ്യൂട്ടി എഡിറ്റര്‍ ഷവാന്‍ സെന്‍, എക്‌സിക്യൂട്ടീവ് എഡിറ്റര്‍ നിരഞ്ജന്‍ നാരായണസ്വാമി, ന്യൂസ് റൂം ചുമതലയുള്ള എഡിറ്റോറിയല്‍ ജിവനക്കാര്‍ എന്നിവരാണ് കേസിലെ പ്രതികള്‍.
മുംബൈ പോലീസിനെയും അതിന്റെ തലവന്‍ പരം ബിര്‍ സിംഗിനെയും മനപ്പൂര്‍വം അപകീര്‍ത്തിപ്പെടുത്താന്‍ ശ്രമിച്ചുകൊണ്ട് ചാനലും അതിലെ ജീവനക്കാരും വ്യാഴാഴ്ച ചില റിപ്പോര്‍ട്ടുകള്‍ സംപ്രേഷണം ചെയ്തതായി ശശികാന്ത് പവാര്‍ പരാതിയില്‍ ആരോപിച്ചു. മുംബൈയില്‍ പോലീസ് ഉദ്യോഗസ്ഥര്‍ കമ്മീഷണര്‍ക്കെതിരെ കലാപത്തിന്റെ വക്കിലാണെന്നാണ റിപ്പോര്‍ട്ടാണ് കേസിനാധാരം. ഉദ്യോഗസ്ഥര്‍ പോലീസ് തലവന്റെ ഉത്തരവുകള്‍ അവഗണിക്കുകയാണെന്നും റിപ്പബ്ലിക് ടിവി റിപ്പോര്‍ട്ട് ചെയ്തിരുന്നു. ഇത് നഗരത്തിലെ പോലീസ് സേനയുടെ പ്രതിച്ഛായയെ നശിപ്പിച്ചു എന്നാണ് ആരോപണം.
ടി.ആര്‍.പി കേസില്‍ സി.ബി.ഐ അന്വേഷണം വരുന്നത് തടയാന്‍ സര്‍ക്കാര്‍ സി.ബി.ഐ നിയന്ത്രിക്കുന്ന നിയമം സംസ്ഥാനത്ത് കൊണ്ടു വന്നിയിരുന്നു. ഇതോടെ അര്‍ണാബ് ഗോസ്വാമിക്ക് കുരുക്ക് മുറുകയാണ്. ഈ കേസില്‍ വാദം കേള്‍ക്കാന്‍ സുപ്രികോടതി വിസമതിച്ചതും അര്‍ണാബിന് തിരിച്ചടിയായിരുന്നു.
https://www.facebook.com/Malayalivartha
