മഹാരാഷ്ട്ര നിയമസഭ കൗണ്സില് തിരഞ്ഞെടുപ്പില് ബിജെപിക്ക് കനത്ത തിരിച്ചടി; ആര്.എസ്.എസ് ശക്തി കേന്ദ്രത്തില് വരെ പരാജയപ്പെട്ടു; കോണ്ഗ്രസ്-എന്സിപി-ശിവസേന സഖ്യത്തിന് വന് നേട്ടം
ആര്.എസ്.എസിന്റെ ശക്തികേന്ദ്രത്തില് വരെ പരാജയപ്പെട്ട് നാണംകെട്ട് മഹാരാഷ്ട്ര ബി.ജെ.പി. മഹാരാഷ്ട്ര നിയമസഭ കൗണ്സിലേക്ക് നടന്ന തിരഞ്ഞെടുപ്പിലാണ് ബിജെപിക്ക് കനത്ത തിരിച്ചടി നേരിടേണ്ടി വന്നത്. തിരഞ്ഞെടുപ്പ് നടന്ന ആറ് സീറ്റുകളില് ഒരിടത്ത് മാത്രമാണ് ബിജെപി ജയിച്ചത്. നാലിടത്ത് കോണ്ഗ്രസ്-എന്സിപി-ശിവസേന സഖ്യം വിജയിച്ചു. ഒരു സീറ്റ് സ്വതന്ത്ര സ്ഥാനാര്ഥി നേടി. ആര്എസ്എസ് ആസ്ഥാനം സ്ഥിതി ചെയ്യുന്ന നാഗ്പുരിലും പരമ്പരാഗത ശക്തികേന്ദ്രമായ പുണെയിലും ബിജെപിയെ കോണ്ഗ്രസ് അട്ടിമറിച്ചു. 30 വര്ഷമായി ബിജെപി വിജയിച്ചുവന്ന സീറ്റാണ് നാഗ്പുര്.
ബിജെപിയുടെ ശക്തി കേന്ദ്രമായ അമരാവതിയില് കോണ്ഗ്രസ് വിജയിച്ചു. ബിജെപിയുടെ സന്ദീപ് ജോഷിയെ കോണ്ഗ്രസിന്റെ അഭിജിത് വന്ജാരിയാണ് പരാജയപ്പെടുത്തിയത്. മുന് നാഗ്പുര് മേയറായ സന്ദീപ് മുന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസിന്റെ അടുത്തയാളാണ്. ഫഡ്നാവിസിനും കേന്ദ്രമന്ത്രി നിതിന് ഗഡ്കരിക്കും ഏറെ സ്വാധിനമുള്ള സ്ഥലത്തെ പരാജയം ബിജെപിക്ക് കനത്ത തിരിച്ചടിയാണ്.
കോണ്ഗ്രസ്-എന്സിപി-ശിവസേന സഖ്യത്തിന്റെ നേതൃത്വത്തിലുള്ള മഹാരാഷ്ട്ര സര്ക്കാര് ഒരു വര്ഷം പൂര്ത്തിയാകുകയാണ്. ഇതിനിടെയില് സഖ്യത്തിന് ശക്തി പകരുന്നതാണ് തിരഞ്ഞെടുപ്പ് വിജയം. ഒന്നാം വര്ഷികം ആഘോഷമാക്കാന് ഇരിക്കെയാണ് തിരഞ്ഞെടുപ്പ് വിജയം കൂടി എത്തുന്നത്.
https://www.facebook.com/Malayalivartha
