ഡല്‍ഹിയിലെ സിവില്‍ സര്‍വീസ് നിയമനാധികാരങ്ങള്‍ ലഫ്.ഗവര്‍ണറില്‍ നിക്ഷിപ്തമാക്കി വിജ്ഞാപനമിറക്കിയ ആഭ്യന്തര മന്ത്രാലയത്തിന്റെ നടപടിയെ വിമര്‍ശിച്ച് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. കേന്ദ്രസര്‍ക്കാര്‍ നടപടി അഴിമതിക്കാരെ സംരക്ഷിക്കുന്നതാണ്. ഇത്തരമൊരു വിജ്ഞാപനത്തിലൂടെ ആരെ രക്ഷിക്കാനാണ് ശ്രമിക്കുന്നതെന്ന് പ്രധാനമന്ത്രി നരേന്ദ്രമോഡി വ്യക്തമാക്കണം. മുകളില്‍ നിന്നുള്ള ഉത്തരവുകള്‍ നടപ്പാക്കുന്ന ഓഫീസര്‍ മാത്രമാണ് ലഫ്.ഗവര്‍ണറെന്നും കെജ്‌രിവാള്‍ പറഞ്ഞൂ.
ഡല്‍ഹിയില്‍ മുന്‍പ് സ്ഥലംമാറ്റങ്ങള്‍ക്ക് വന്‍തോതില്‍ പണം മറിഞ്ഞിരുന്നു. എന്നാല്‍ ആപ് സര്‍ക്കാര്‍ വന്നതോടെ ഈ മേഖലയിലെ അഴിമതി ഇല്ലാതായി. അഴിമതിക്കാരെ സംരക്ഷിക്കുന്ന കവചമാണ് വിജ്ഞാപനമെന്ന സംശയമാണുണ്ടായിരിക്കുന്നത്. മോഡി ഡല്‍ഹി ജനതയ്ക്ക് നല്‍കിയ സമ്മാനമാണിത്.
ആം ആദ്മി പാര്‍ട്ടിയുടേതാണ് ഇന്ത്യയിലെ ഏറ്റവും അഴിമതി രഹിത സര്‍ക്കാര്‍. ബി.ജെ.പിക്കുള്ള മൂന്ന് എം.എല്‍.എമാരെ വച്ച് ഡല്‍ഹി ഭരിക്കാനാണ് പ്രധാനമന്ത്രി ശ്രമിക്കുന്നതെന്നും കെജ്‌രിവാള്‍ കുറ്റപ്പെടുത്തി. ജനാധിപത്യ സര്‍ക്കാരിന് വിലങ്ങിടുന്ന ഉത്തരവിറക്കിയതിലൂടെ ബി.ജെ.പി വീണ്ടും ഡല്‍ഹിയില്‍ പരാജയപ്പെട്ടുവെന്ന് കെജ്‌രിവാള്‍ നേരത്തെ ട്വീറ്റ് ചെയ്തിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha