കോണ്ഗ്രസ് അധ്യക്ഷനെ ജൂണില് പ്രഖ്യാപിക്കും; മേയ് മാസത്തില് സംഘടനാ തിരഞ്ഞെടുപ്പ് നടത്തും; പുതിയ അധ്യക്ഷനെ സംഘടനാ തിരഞ്ഞെടുപ്പിലൂടെ കണ്ടെത്തും; രാഹുല്ഗാന്ധി അധ്യക്ഷ സ്ഥാനത്ത് തിരിച്ചെത്തണമെന്ന ആവശ്യം ഇന്നും പ്രവര്ത്തക സമിതിയില്; എതിര്ശബ്ദങ്ങള് ദുബലമായി
കോണ്ഗ്രസ് അദ്ധ്യക്ഷനെ ജൂണില് പ്രഖ്യാപിക്കും. എ.ഐ.സി.സി ജനറല് സെക്രട്ടറി കെ.സി വേണുഗോപാലാണ് ഇക്കാര്യം അറിയിച്ചത്. അധ്യക്ഷനെ തിരഞ്ഞെടുപ്പിലൂടെ തീരുമാനിക്കാനാണ് നിശ്ചയിച്ചിരിക്കുന്നതെന്നും കെ.സി വേണുഗോപാല് പറഞ്ഞു. കോണ്ഗ്രസ് പ്രവര്ത്തക സമിതി യോഗത്തിന് ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. മേയ് മാസത്തില് സംഘടനാ തിരഞ്ഞെടുപ്പ് നടത്താനും തീരുമാനമായി. പാര്ട്ടിയുടെ ഭരണഘടനയനുസരിച്ച് തിരഞ്ഞെടുപ്പ് നടപടികള് പൂര്ത്തിയാക്കുമെന്നും ഈ തീരുമാനം പാര്ട്ടി ഏകകണ്ഠേന സ്വീകരിച്ചതാണെന്നും കെ.സി വേണുഗോപാല് അറിയിച്ചു.
രാഹുല്ഗാന്ധി അദ്ധ്യക്ഷ സ്ഥാനത്ത് തിരിച്ചെത്തണമെന്ന് പ്രവര്ത്തക സമിതി അംഗങ്ങള് ഇന്നും യോഗത്തില് ആവശ്യപ്പെട്ടു. അതെ സമയം തിരുത്തല് വാദമുയര്ത്തിയ നേതാക്കള്ക്ക് കോണ്ഗ്രസ് പ്രവര്ത്തകസമിതിയില് വിമര്ശനമുണ്ടായി. എതിര്ശബ്ദം പാര്ട്ടിയെ ദുര്ബലപ്പെടുത്തുമെന്ന് ഒരുവിഭാഗം നേതാക്കള് ആവശ്യപ്പെട്ടു. എന്നാല് ശൈലി മാറണമെന്ന് തിരുത്തല്വാദികളായ നേതാക്കള് നിലപാടെടുത്തു.
അതേസമയം, നിയമസഭ തിരഞ്ഞെടുപ്പുകള്ക്ക് മുന്പ് കോണ്ഗ്രസിന് പുതിയ അധ്യക്ഷനുണ്ടാകില്ല. എഐസിസി പ്ലീനറി സമ്മേളനം മേയില് നടത്താന് കോണ്ഗ്രസ് പ്രവര്ത്തക സമിതിയില് ധാരണയായി. സമ്മേളനത്തിന് മുന്പ് അധ്യക്ഷ തിരഞ്ഞെടുപ്പ് നടക്കും. തിരഞ്ഞെടുപ്പ് നടപടികളുമായി മുന്നോട്ട് പോകാന് കേന്ദ്ര തിരഞ്ഞെടുപ്പ് അതോറിറ്റിക്ക് പ്രവര്ത്തക സമിതി അനുമതി നല്കി. കര്ഷക പ്രക്ഷോഭം, മാധ്യമ പ്രവര്ത്തകന് അര്ണബ് ഗോസ്വാമിയുടെ വാട്സ്ആപ് ചാറ്റ് വിവാദം തുടങ്ങിയ വിഷയങ്ങളും പ്രവര്ത്തക സമിതിയില് ചര്ച്ചയായി.
https://www.facebook.com/Malayalivartha