റിപ്പബ്ലിക് ദിനത്തില് ട്രാക്ടര് റാലി നടത്താന് കര്ഷകസംഘടനകള്ക്ക് അനുമതി; റാലി സമാധാനപരമായിരിക്കുമെന്ന് യോഗേന്ദ്രയാദവ്; റാലിയുടെ റൂട്ട് മാപ്പ് തീരുമാനിക്കാന് കര്ഷകരും പോലീസുമായി ചര്ച്ച
റിപ്പബ്ലിക് ദിനത്തില് ട്രാക്ടര് റാലി നടത്താന് അനുമതി ലഭിച്ചെന്ന് കര്ഷകസംഘടനകള്. ജനുവരി 26ന് ഡല്ഹി നഗരത്തില് ട്രാക്ടര് റാലി നടത്തുമെന്നും ഇത് സംബന്ധിച്ച് പോലീസുമായി ധാരണയിലെത്തിയെന്നും കര്ഷക സംഘടനകള് അറിയിച്ചു. റാലി സമാധാനപരമായിരിക്കുമെന്ന് യോഗേന്ദ്രയാദവ് അറിയിച്ചു.
ഒരു ലക്ഷം ട്രാക്ടറുകള് അണിനിരത്തിയുള്ള റാലിക്കാണ് ആഹ്വാനം ചെയ്തിരിക്കുന്നത്. റിപ്പബ്ലിക് ദിന പരേഡിനെയോ സുരക്ഷയേയോ ബാധിക്കാത്ത രീതിയില് ട്രാക്ടര് റാലി നടത്തുമെന്നാണ് സംഘടനകള് അറിയിക്കുന്നത്. പരേഡില് പങ്കെടുക്കുന്ന കര്ഷകര് അച്ചടക്കം പാലിക്കണമെന്നും കമ്മിറ്റി പുറപ്പെടുവിച്ച നിര്ദ്ദേശങ്ങള് പാലിക്കണമെന്നും ഭാരതീയ കിസാന് യൂണിയന് നേതാവ് ഗുര്നം സിംഗ് ചാദുനി അഭ്യര്ഥിച്ചു.
ട്രാക്ടര് റാലിയുടെ പാത മാറ്റുന്നതുമായി ബന്ധപ്പെട്ട് നേരത്തെ ഡല്ഹി പോലീസ് കര്ഷക നേതാക്കളെ കണ്ടിരുന്നു. ഡല്ഹി നഗരത്തിലൂടെ കര്ഷകരുടെ റാലി അനുവദിക്കില്ലെന്ന നിലപാടായിരുന്നു നേരത്തെ പോലീസ് സ്വീകരിച്ചത്. മൂന്ന് സമാന്തര പാതകളാണ് പോലീസ് മുന്നോട്ട് വെച്ചിട്ടുള്ളത്. ഈ നിര്ദ്ദേശമാണോ കര്ഷകര് അംഗീകരിച്ചതെന്ന് വ്യക്തമല്ല. റാലിയുടെ റൂട്ട് മാപ്പ് തീരുമാനിക്കാന് കര്ഷകരും പോലീസുമായി ചര്ച്ച തുടരുമെന്നാണ് റിപ്പോര്ട്ട്.
https://www.facebook.com/Malayalivartha