ജമ്മു കശ്മീരില് പാകിസ്താന്റെ വെടിനിര്ത്തല് കരാര് ലംഘനത്തില് ഒരു ജവാന് കൂടി വീരമൃത്യു
ജമ്മു കശ്മീരില് പാകിസ്താന്റെ വെടിനിര്ത്തല് കരാര് ലംഘനത്തില് ഒരു ജവാന് കൂടി വീരമൃത്യു. ജമ്മു കശ്മീര് റൈഫിള്സിലെ ജവാന് എന് കെ നിശാന്ത് ശര്മ്മയാണ് വീരമൃത്യു വരിച്ചത്.
ജനുവരി 18 ന് രജൗരി ജില്ലയില് സുന്ദര്ബാനി സെക്ടറില് വെടിനിര്ത്തല് കരാര് ലംഘിച്ച് പാകിസ്താന് നടത്തിയ ഷെല്ലാക്രമണത്തിലാണ് നിശാന്ത് ശര്മ്മയ്ക്ക് പരിക്കേറ്റത്. ഗുരുതര പരിക്കേറ്റ ഇദ്ദേഹത്തെ കമാന്ഡ് ആശുപത്രിയില് ചികിത്സയില് പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
യാതൊരു പ്രകോപനവുമില്ലാതെയായിരുന്നു പാക് സൈന്യം ഇന്ത്യന് സൈനിക പോസ്റ്റുകള്ക്ക് നേരെ വെടിവെയ്പ്പും ഷെല്ലാക്രമണവും നടത്തിയത്. ധീരനായ സൈനികനാണ് നിശാന്ത് ശര്മ്മയെന്ന് സെനിക വൃത്തങ്ങള് അറിയിച്ചു. അദ്ദേഹത്തിന്റെ ത്യാഗത്തെ രാഷ്ട്രം എപ്പോഴും സ്മരിക്കുമെന്നും സൈനിക വൃത്തങ്ങള് വ്യക്തമാക്കി.
കഴിഞ്ഞ ദിവസം പൂഞ്ച് നിയന്ത്രണ രേഖയിലും പാകിസ്താന് വെടിവെയ്പ്പും ഷെല്ലാക്രമണവും നടത്തിയിരുന്നു. പൂഞ്ചിലെ നിയന്ത്രണ രേഖയ്ക്ക് സമീപം നടത്തിയ ആക്രമണത്തില് 10 ജെ-കെ റൈഫിള്സിലെ ജവാന് വീരമൃത്യു വരിക്കുകയും ചെയ്തു.
"
https://www.facebook.com/Malayalivartha
