കര്ഷക സമരത്തിന് ഐക്യദാര്ഡ്യം പ്രഖ്യാപിച്ച് അഭയ് സിംഗ് ചൗട്ടാല നിയമസഭാംഗത്വം രാജിവെച്ചു; 57കാരനായ ചൗട്ടാല രാജിക്കത്ത് നൽകാൻ സംസ്ഥാന നിയമസഭ മന്ദിരത്തിലെത്തിയത് ട്രാക്ടര് ഓടിച്ച്
കര്ഷക സമരത്തിന് ഐക്യദാര്ഡ്യം പ്രഖ്യാപിച്ച് ഹരിയാനയിലെ ഇന്ത്യന് നാഷണല് ലോക്ദള് നേതാവ് അഭയ് സിംഗ് ചൗട്ടാല നിയമസഭാംഗത്വം രാജിവെച്ചു. ഐഎന്എല്ഡിയുടെ ഏക എംഎല്എയാണ് അഭയ് സിംഗ് ചൗട്ടാല.
റിപ്പബ്ലിക് ദിനത്തില് കാര്ഷിക നിയമങ്ങള് പിന്വലിച്ചില്ലായെങ്കില് രാജിവെയ്ക്കുമെന്ന് അഭയ് സിംഗ് ചൗട്ടാല രണ്ടാഴ്ച മുന്പ് പ്രഖ്യാപിച്ചിരുന്നു. കേന്ദ്രസര്ക്കാരിന്റെ ഭാഗത്ത് നിന്ന് നടപടി ഉണ്ടാവാത്ത പശ്ചാത്തലത്തിലാണ് രാജി.
മൂന്ന് തവണ എംഎല്എയായ 57കാരന് സംസ്ഥാന നിയമസഭ മന്ദിരത്തിലേക്ക് ട്രാക്ടര് ഓടിച്ച് എത്തിയാണ് രാജിക്കത്ത് നല്കിയത്. ഇന്ത്യന് നാഷണല് ലോക്ദളിന്റെ മുഖ്യ വോട്ടുബാങ്ക് കര്ഷകരാണ്. കാര്ഷിക നിയമങ്ങള്ക്കെതിരെ കര്ഷകര് പ്രതിഷേധിക്കുന്ന പശ്ചാത്തലത്തിലാണ് ഇവരോട് ഐക്യദാര്ഢ്യം പ്രഖ്യാപിച്ച് രാജി.
https://www.facebook.com/Malayalivartha