രാജ്യദ്രോഹക്കേസുകള് റദ്ദാക്കണമെന്നാവശ്യപ്പെട്ട് തരൂരും രാജ്ദീപും സുപ്രീംകോടതിയില്
രാജ്യദ്രോഹക്കേസുകള് റദ്ദാക്കണമെന്നാവശ്യപ്പെട്ട് തരൂരും രാജ്ദീപും സുപ്രീംകോടതിയെ സമീപിച്ചു. ട്രാക്ടര് റാലിക്കിടെ സിഖ് യുവാവ് മരിച്ചതുമായി ബന്ധപ്പെട്ട ട്വീറ്റുകള്ക്കെതിരായി രജിസ്റ്റര് ചെയ്ത കേസ്സുകള് റദ്ദാക്കണമെന്നാവശ്യപ്പെട്ടാണ് ലോക്സഭാ അംഗം ശശി തരൂരും മാധ്യമ പ്രവര്ത്തകന് രാജ്ദീപ് സര്ദേശായിയും ഉള്പ്പടെ ഉള്ളവര് സുപ്രീം കോടതിയെ സമീപിച്ചിരിക്കുന്നത്.
കേസ്സുകള് റദ്ദാക്കണമെന്ന് ആവശ്യപ്പെട്ട് മാധ്യമപ്രവര്ത്തകരായ മൃണാള് പാണ്ഡെ, സഫര് ആഗ, പരേഷ് നാഥ്, അനന്ത് നാഥ് എന്നിവരും സുപ്രീം കോടതിയെ സമീപിച്ചിട്ടുണ്ട്. തങ്ങള്ക്കെതിരെയുള്ള കേസുകള് ബാലിശമാണെന്നാണ് അവര് കോടതിയെ അറിയിച്ചിരിക്കുന്നത്.
ഉത്തര്പ്രദേശ്, മധ്യപ്രദേശ്, കര്ണാടക എന്നീ സംസ്ഥാനങ്ങളിലുള്ള കേസ്സുകള് റദ്ദാക്കണമെന്ന ആവശ്യമാണുന്നയിച്ചിരിക്കുന്നത്.
തെറ്റായ വാര്ത്ത പ്രചരിപ്പിക്കുകയും സമൂഹത്തില് അസ്വസ്ഥത പടര്ത്താന് ശ്രമിക്കുകയും ചെയ്തതിനാണ് വിവിധ കേസ്സുകള് രജിസ്റ്റര് ചെയ്തിരിക്കുന്നത്. രാജ്യദ്രോഹം, ക്രിമിനല് ഗൂഢാലോചന, വിവിധ വിഭാഗങ്ങള്ക്ക് ഇടയില് വിദ്വേഷം പടര്ത്തല് എന്നീ കുറ്റങ്ങളാണ് ചുമത്തിയിരിക്കുന്നത്.
https://www.facebook.com/Malayalivartha
