ലോകം ഇന്ത്യയിലേക്ക് ഉറ്റു നോക്കുന്നു ;കർഷക സമരത്തിൽ ആശങ്ക പ്രകടിപ്പിച്ച് ലോക പ്രശസ്തർ ;സമരം അന്താരഷ്ട്ര ശ്രദ്ധയിലേക്ക്
കർഷക സമരം ലോക ശ്രദ്ധ നേടുന്നു എന്ന തരത്തിലുള്ള റിപ്പോർട്ടുകളാണ് പുറത്തു വരുന്നത് .ലോകത്തിലെ പല പ്രമുഖരും ഇന്ത്യയിൽ നടക്കുന്ന കർഷക സമരങ്ങൾക്കെതിരെ വിമര്ശനവുമായി രംഗത്തു വരികയാണ് .കര്ഷക പ്രക്ഷോഭത്തിന് പിന്തുണയുമായി മിയ ഖലിഫയും. എന്തൊരു മനുഷ്യവാകാശ ലംഘനമാണ് നടന്നുകൊണ്ടിരിക്കുന്നതെന്ന് മിയ ഖലിഫ ചോദിച്ചു.ട്വിറ്ററിലൂടെയായിരുന്നു മിയ ഖലിഫയുടെ പ്രതികരണം. ദല്ഹിയില് ഇന്റര്നെറ്റ് കണക്ഷന് കട്ട് ചെയ്തതും മിയ ഖലിഫ ചൂണ്ടിക്കാട്ടി. നിരവധി പേരാണ് കര്ഷക പ്രതിഷേധത്തിന് പിന്തുണയുമായി രംഗത്ത് എത്തുന്നത്.പോപ് ഗായികയായ റിഹാന, പരിസ്ഥിതി പ്രവര്ത്തക ഗ്രെറ്റ തന്ബര്ഗ് അമേരിക്കന് വൈസ് പ്രസിഡന്റ് കമല ഹാരിസിന്റെ മരുമകളായ മീനാ ഹാരിസ് തുടങ്ങിയവരും കര്ഷക സമരത്തിന് പിന്തുണയുമായി മുന്നോട്ട് വന്നിരുന്നു.
സ്റ്റോപ്പ് കില്ലിങ്ങ് ഫാര്മേഴ്സ് എന്ന ചിത്രം പങ്കുവെച്ചുകൊണ്ടായിരുന്നു വിഷയത്തില് പ്രതികരണവുമായി മീനാ ഹാരിസ് മുന്നോട്ട് വന്നത്. പ്രതിഷേധ സ്ഥലങ്ങളിലെ ഇന്റര്നെറ്റ് നിരോധനം നടപ്പാക്കിയ സര്ക്കാര് നടപടിക്കെതിരെയായിരുന്നു ഗ്രെറ്റ തന്ബര്ഗും പോപ് ഗായിക റിഹാനയും രംഗത്തെത്തിയത്.ഏതു വിധേനെയും കര്ഷക പ്രതിഷേധം അടിച്ചമര്ത്താന് ശ്രമിക്കുന്ന മോദി സര്ക്കാരിനെ സമരത്തിന് ലോകത്തിന്റെ വിവിധ ഭാഗങ്ങളില് നിന്നും കര്ഷകര്ക്ക് ലഭിക്കുന്ന ഈ പിന്തുണ ആശങ്കപ്പെടുത്തുന്നുണ്ട്.കഴിഞ്ഞ ദിവസം റിഹാനയും ഇന്റര്നെറ്റ് നിരോധനത്തെ കുറിച്ചുള്ള വാര്ത്ത പങ്കുവെച്ചുകൊണ്ട് നമ്മള് എന്തുകൊണ്ടാണ് ഇതേകുറിച്ച് സംസാരിക്കാത്തത് എന്ന് ട്വീറ്റ് ചെയ്തിരുന്നു.റിഹാനയുടെയും ഗ്രെറ്റയുടെയും ട്വീറ്റുകള് വ്യാപകമായി റീട്വീറ്റ് ചെയ്യപ്പെടുന്നുണ്ട്. ഇതോടുകൂടി #farmersprotets എന്ന ഹാഷ്ടാഗ് ട്വിറ്ററില് ട്രെന്ഡിംഗ് ആയിരിക്കുകയാണ്.മോദി സര്ക്കാര് പാസാക്കിയ കാര്ഷിക നിയമങ്ങള്ക്കെതിരെ രണ്ട് മാസത്തിലേറെയായി തെരുവില് പ്രതിഷേധിക്കുകയാണ് കര്ഷകര്. ഇതുവരെയും കാര്ഷിക നിയങ്ങള് പിന്വലിക്കുന്നത് സംബന്ധിച്ച് അന്തിമമായ ഒരു തീരുമാനം കേന്ദ്രം എടുത്തിട്ടില്ല.
കാര്ഷിക നിയമങ്ങള് പിന്വലിക്കാതെ സമരത്തില് നിന്ന് പിന്മാറില്ലെന്ന ഉറച്ച തീരുമാനത്തിലാണ് കര്ഷകര്. കേന്ദ്രസര്ക്കാര് ബജറ്റ് അവതരിപ്പിച്ച സാഹചര്യത്തിലും തങ്ങളുടെ തീരുമാനത്തില് നിന്ന് പിന്മാറാന് കര്ഷകര് തയ്യാറായിട്ടില്ല. കര്ഷകരുടെ പ്രശ്നങ്ങള് പരിഹരിക്കാന് പ്രത്യേകമായൊരു ബജറ്റ് നടത്തണമെന്ന് കര്ഷക നേതാവ് രാകേഷ് ടികായത് പറഞ്ഞിരുന്നു. കര്ഷകരുടെ കടങ്ങള് എഴുതി തള്ളണമെന്നും അദ്ദേഹം ആവശ്യപ്പെട്ടു.
https://www.facebook.com/Malayalivartha
