പലരും സഞ്ചരിക്കാന് മടിക്കുന്ന വഴിയിലൂടെ അതും ഒറ്റയ്ക്ക് സഞ്ചരിച്ച് അദ്ഭുതം സൃഷ്ടിക്കുകയാണ് ഈ യുവതി.. അതും ഒരു കൗതുകത്തിനോ റെക്കോര്ഡ് നേടാനോ ഒന്നും അല്ല... ജീവിക്കാന് വേണ്ടി ,നൊന്തു പെറ്റ മക്കളെ പോറ്റാന് വേണ്ടി ഈ നാല്പത്തഞ്ചുകാരി ചെയ്യുന്നത് ....
ഏതു പ്രതികൂല സാഹചര്യങ്ങളേയും നേരിടുന്ന സമൂഹത്തിന് തന്നെ മാതൃകയായ നിരവധി പേരെ നമുക്കറിയാം. ഇവിടെ ഒരു യുവതിയാണ് രാജ്യത്തെ തന്നെ ഇപ്പോള് അല്ഭുതപ്പെടുത്തുന്നത്. ഇതിനോടകം സമൂഹമാധ്യമങ്ങളില് താരമായി കഴിഞ്ഞു ഈ യുവതി. പലരും സഞ്ചരിക്കാന് മടിക്കുന്ന വഴിയിലൂടെ അതും ഒറ്റയ്ക്ക് സഞ്ചരിച്ച് അല്ഭുതം സൃഷ്ടിക്കുകയാണ് ഇവര്. അതും ഒരു കൗതുകത്തിനോ റെക്കോര്ഡ് നേടാനോ ഒന്നും അല്ല. ജീവിക്കാന് മക്കളെ പോറ്റാന് വേണ്ടി മാത്രം ...
പാലക്കാട്ടെ ബിവറേജസ് കോര്പറേഷന് ഗോഡൗണില് ലോഡുമായി എത്തുന്ന ഒരു ലോറി നാട്ടുകാര്ക്ക് ഏറെ പ്രിയപ്പെട്ടതാണ്.. കാരണം ആ കൂറ്റന് മഹീന്ദ്രാ നാവിസ്റ്റര് ട്രക്ക് ഓടിക്കുന്നത് ഒരു വനിതയാണ്. 45 കാരിയായ യോഗിത രഘുവംശി.
14 ചക്രങ്ങളുള്ള ലോറിയില് ക്ലീനര് പോലുമില്ലാതെ 2341കിലോമീറ്റര് കടന്നാണ് ആഗ്രയില് നിന്നും അവര് പാലക്കാട്ടെത്തുന്നത്. വഴി നീളെ അപകടങ്ങള് പതിയിരിക്കുന്ന, ആണുങ്ങള് മാത്രം പയറ്റിയതെളിഞ്ഞ ദുര്ഘടമായ നിരത്തുകളിലേക്ക് ഒരു പഴയ ട്രക്കിലേറി കോമേഴ്സ്/നിയമ ബിരുദധാരിണി ആയ ഈ ഉത്തര് പ്രദേശുകാരി എത്തിയത് 2000ലാണ്..
ട്രക്ക് ഡ്രൈവറായിരുന്ന ഭര്ത്താവിന്റെ മരണ ശേഷം അര്ഹതപ്പെട്ട സ്വത്ത് ബന്ധുക്കള് തട്ടിയെടുത്തപ്പോള് രണ്ട് മക്കളെ പോറ്റുന്നതിന് അവര് ഈ ജോലി തിരഞ്ഞെടുത്തു.അതിനു ശേഷം അഞ്ചര ലക്ഷത്തിലേറെ കിലോ മീറ്ററുകള് അവര് ട്രക്കോടിച്ചു ഏകാകിയായി..
അദ്ധ്വാനിക്കാനുള്ള മനസും പ്രതികൂലാവസ്ഥകളെ നേരിടാനുള്ള ചങ്കൂറ്റവും ഉണ്ടങ്കില് ഈ മഹാരാജ്യത്ത് ലക്ഷോപലക്ഷം യോഗിതമാര് ഉണ്ടാകും എന്നതിന് ഉത്തമ മാതൃകയാണ് ഈ ധീരയായ വനിത
https://www.facebook.com/Malayalivartha
