ചികിത്സയ്ക്കിടയില് രോഗി കൊല്ലപ്പെട്ട സംഭവത്തില് രണ്ട് ഡോക്ടര്മാര്ക്ക് പിഴ വിധിച്ച് ദേശീയ മനുഷ്യാവകാശ കമ്മീഷന്
ചികിത്സയ്ക്കിടയില് രോഗി കൊല്ലപ്പെട്ട സംഭവത്തില് രണ്ട് ഡോക്ടര്മാര്ക്ക് പിഴ വിധിച്ച് ദേശീയ മനുഷ്യാവകാശ കമ്മീഷന്. മീററ്റിലെ ലാലാ ലജ്പത് റായ് ആശുപത്രിയിലെ ഡോക്ടര്മാര്ക്കാണ് കോടതി പിഴ വിധിച്ചത്. ഉത്തര്പ്രദേശിലെ അമോറ ജില്ലയിലുള്ള നിതിന് എന്ന രോഗിയാണ് ചികിത്സയ്ക്കിടയില് കൊല്ലപ്പെട്ടത്. പരിക്കേറ്റാണ് നിതിനെ ആശുപത്രിയില് പ്രവേശിപ്പിച്ചത്. കോടതിയിലുള്ള ഒരു കേസില് സാക്ഷി കൂടിയായിരുന്നു നിതിന്. മൂന്ന് ലക്ഷം രൂപ ഡോക്ടര്മാര് നല്കണം. 2013 ലാണ് കേസിനാസ്പദമായ സംഭവം നടക്കുന്നത്. ലാലാ ലജ്പത് റായ് ആശുപത്രിയിലെ പഴയ എമര്ജന്സി വാര്ഡിലുണ്ടായിരുന്ന രോഗിയാണ് കൊല്ലപ്പെട്ടത്. സംഭവത്തില് ഡോ. പ്രദീപ് ഭാരതി, ഗുപ്ത, മുന് സിഎംഎസ് ഡോ. സുഭാഷ് സിങ് എന്നിവര് കുറ്റക്കാരാണെന്ന് മനുഷ്യാവകാശ കമ്മീഷന് കണ്ടെത്തി. ഇരുവരും ഔദ്യോഗിക വൃത്തിയില് ഗുരുതര വീഴ്ച്ച സംഭവിച്ചതായാണ് കണ്ടെത്തല്. മനുഷ്യാവകാശ കമ്മീഷന്റെ ഉത്തരവ് ഉത്തര്പ്രദേശ് സര്ക്കാരും ശരിവെച്ചു. നിതിനെ എമര്ജന്സി വാര്ഡില് വെച്ച് കൊലപ്പെടുത്തുകയായിരുന്നു. ഇയാള്ക്ക് തൊട്ടപ്പുറത്തുള്ള ബെഡിലുണ്ടായിരുന്ന ആളാണ് കൊലപ്പെടുത്തിയത്.കൊലപാതകത്തിന് ശേഷം ഇയാള് ഓടി രക്ഷപ്പെട്ടു. നിതിനെ കൊലപ്പെടുത്താനായി രോഗിയായി ഇയാള് ആശുപത്രിയില് അഡ്മമിറ്റ് ആകുകയായിരുന്നുവെന്ന് പിന്നീട് കണ്ടെത്തി. ആശുപത്രി ജീവനക്കാരെ സ്വാധീനിച്ചാണ് നിതിന് തൊട്ടടുത്തുള്ള ബെഡും ഇയാള് സംഘടിപ്പിച്ചത്. സംഭവം മനുഷ്യാവകാശ കമ്മീഷന് മുന്നില് എത്തിയതോടെ അന്വേഷണത്തിന് ഉത്തരവിടുകയായിരുന്നു.
https://www.facebook.com/Malayalivartha
