'ഇത് രാഷ്ട്രീയ പോരാട്ടമല്ല, ശാസ്ത്രീയ പോരാട്ടമാണ്'; ആറിലേറെ പുതിയ കൊവിഡ് വാക്സിനുകള് ഇന്ത്യ ഉടന് പുറത്തിറക്കുമെന്ന് കേന്ദ്ര ആരോഗ്യ മന്ത്രി ഹര്ഷ വര്ദ്ധന്
കൊവിഡിനെതിരായ പോരാട്ടത്തില് വീണ്ടും മുന്നേറി ഇന്ത്യ. ആറിലേറെ പുതിയ കൊവിഡ് വാക്സിനുകള് ഇന്ത്യ ഉടന് പുറത്തിറക്കുമെന്ന് കേന്ദ്ര ആരോഗ്യ മന്ത്രി ഹര്ഷ വര്ദ്ധന് അറിയിച്ചു. ഇന്ത്യയില് ഉത്പാദിപ്പിച്ച കൊവാക്സിന്, കൊവിഷീല്ഡ് വാക്സിനുകള് നിലവില് 71 ലോകരാജ്യങ്ങള് ഉപയോഗിക്കുന്നുണ്ടെന്നും ഹര്ഷവര്ദ്ധന് പറഞ്ഞു. ഭോപ്പാലിലെ എന്.ഐ.ആര്.ഇ.എച്ചിലെ പുതിയ ഗ്രീന് കാമ്ബസ് ഉദ്ഘാടനം ചെയ്യുകയായിരുന്നു മന്ത്രി.
ഇന്ത്യ ഉത്പാദിപ്പിച്ച രണ്ട് വാക്സിനുകള് 71 രാജ്യങ്ങള്ക്ക് നല്കി. നിരവധി രാജ്യങ്ങള് ഇന്ത്യയോട് വാക്സിന് ആവശ്യപ്പെടുന്നുണ്ട്. ഇവയൊന്നും ചെറിയ രാജ്യങ്ങളല്ല. കാനഡ, ബ്രസീല് മറ്റ് നിരവധി വികസിത രാജ്യങ്ങള് ഇന്ത്യയുടെ വാക്സിന് ഉപയോഗിക്കുന്നുണ്ട്. അര ഡസനിലേറെ പുതിയ വാക്സിനുകള് ഇന്ത്യയില് നിന്ന് പുറത്തുവരുമെന്നും അദ്ദേഹം പറഞ്ഞു.
നമ്മുടെ ശാസ്ത്രജ്ഞരുടെ പരിശ്രമങ്ങള് പ്രശംസനീയമാണ്. അവരുടെ അദ്ധ്വാനം കൊണ്ടാണ് നമുക്ക് ഇതെല്ലാം നേടാനായത്. കൊവിഡ് വര്ഷം എന്നതിനപ്പുറം 2020 ശാസ്ത്രത്തിന്റെയും ശാസ്ത്രജ്ഞരുടെയും വര്ഷമായി ഓര്മിക്കപ്പെടും. ശാസ്ത്രത്തെ നമ്മള് ബഹുമാനിക്കണം. വാക്സിന്റെ പേരിലുള്ള രാഷ്ട്രീയം അവസാനിപ്പിക്കേണ്ടതുണ്ട്. ഇത് രാഷ്ട്രീയ പോരാട്ടമല്ല, ശാസ്ത്രീയ പോരാട്ടമാണ്. അതുകൊണ്ടാണ് ഞങ്ങള് ഒന്നിച്ച് പ്രവര്ത്തിക്കുന്നതെന്നും ഹര്ഷവര്ദ്ധന് വ്യക്തമാക്കി.
https://www.facebook.com/Malayalivartha
