യുവതിയുടെ വിവാഹതട്ടിപ്പ്.... വിവാഹം കഴിഞ്ഞ് വരന്റെ വീട്ടിലെത്തിയ നവവധു പണവും സ്വര്ണവുമായി മുങ്ങി
വിവാഹം കഴിഞ്ഞ് വരന്റെ വീട്ടിലെത്തിയ നവവധു മണിക്കൂറുകള്ക്കകം പണവും സ്വര്ണവുമായി മുങ്ങി. ഉത്തര്പ്രദേശിലെ ഷാജഹാന്പുരിലാണ് സംഭവം. ക്ഷേത്രത്തിലെ വിവാഹചടങ്ങുകള് കഴിഞ്ഞ് വരന്റെ വീട്ടിലെത്തിയതിന് പിന്നാലെയാണ് വധുവിനെ കാണാതായത്. തുടര്ന്ന് നടത്തിയ അന്വേഷണത്തിലാണ് പണവും സ്വര്ണവും ഉള്പെടെ കൈക്കലാക്കിയാണ് വധു മുങ്ങിയതെന്ന് തിരിച്ചറിഞ്ഞത്. ഷാജഹാന്പുരിലെ പൊവയാന് സ്വദേശിയായ 34കാരനാണ് ഫാറൂഖാബാദ് സ്വദേശിയായ യുവതിയെ വിവാഹം കഴിച്ചത്. ഏറെനാളായി വിവാഹം നടക്കാത്തതിനാല് യുവാവിന്റെ സഹോദരഭാര്യ ഒരു ദരിദ്രകുടുംബത്തില് നിന്ന് വിവാഹം ചെയ്യാന് നിര്ദേശിച്ചിരുന്നു. തുടര്ന്ന് ഇവരെ അറിയാവുന്ന രണ്ടുപേര് ഫാറൂഖാബാദിലെ യുവതിയെ കുടുംബത്തിന് പരിചയപ്പെടുത്തി. വിവാഹം നടത്താനുള്ള സാമ്ബത്തികമില്ലാത്തതിനാല് വരന്റെ കൈയില് നിന്ന് മുപ്പതിനായിരം രൂപയും സ്വര്ണവുമെല്ലാം ഇവര് വാങ്ങിയിരുന്നു. വിവാഹചടങ്ങുകള്ക്ക് ശേഷം ബന്ധുക്കളെന്ന് പരിചയപ്പെടുത്തിയ രണ്ടുപേര്ക്കൊപ്പമാണ് നവവധു വരന്റെ വീട്ടിലെത്തിത്. എന്നാല് മണിക്കൂറുകള്ക്കകം വധുവിനെ വീട്ടില്നിന്ന് കാണാതാവുകയായിരുന്നു. വധുവിന്റെ ഒപ്പമെത്തിയ രണ്ടുപേരും മുങ്ങിയതായി കണ്ടെത്തിയതോടെയാണ് സംഭവം തട്ടിപ്പാണെന്ന് തിരിച്ചറിഞ്ഞത്. തുടര്ന്ന് കുടുംബം പൊലീസില് പരാതി നല്കുകയായിരുന്നു.
https://www.facebook.com/Malayalivartha
