അതിര്ത്തിയില് ഇന്ന് മുതല് വീണ്ടും നിയന്ത്രണങ്ങള് ഏര്പ്പെടുത്തി കര്ണാടക... കൊവിഡ് നെഗറ്റീവ് സര്ട്ടിഫിക്കറ്റ് ഇല്ലാത്ത യാത്രക്കാരെ ഇന്ന് മുതല് സംസ്ഥാനത്തേക്ക് പ്രവേശിക്കാന് അനുവദിക്കില്ല
അതിര്ത്തിയില് ഇന്ന് മുതല് വീണ്ടും നിയന്ത്രണങ്ങള് ഏര്പ്പെടുത്തി കര്ണാടക. കൊവിഡ് നെഗറ്റീവ് സര്ട്ടിഫിക്കറ്റ് ഇല്ലാത്ത യാത്രക്കാരെ ഇന്ന് മുതല് സംസ്ഥാനത്തേക്ക് പ്രവേശിക്കാന് അനുവദിക്കില്ല.
തലപ്പാടിയില് കെഎസ്ആര്ടിസി ബസുകളിലടക്കം വാഹനപരിശോധന ശക്തമാക്കുമെന്നും കര്ണാടക ജില്ലാ ഭരണകൂടം അറിയിച്ചു കൊവിഡിന്റെ രണ്ടാം തരംഗ മുന്നറിയിപ്പിനെത്തുടര്ന്നാണ് നിയന്ത്രണങ്ങള് കടുപ്പിക്കുന്നതെന്നാണ് കര്ണാടക പറയുന്നത്. കര്ണാടക ഇതിനു മുമ്ബ് പലതവണ നിയന്ത്രണങ്ങള് കര്ശനമാക്കിയിരുന്നു.
കോടതി ഉത്തരവിന്റേയും പ്രതിഷേധങ്ങളുടേയും പശ്ചാത്തലത്തിലാണ് ഇവ ഒഴിവാക്കാന് കര്ണാടക തയ്യാറായത്. ഇതിന് പിന്നാലെയാണ് വീണ്ടും നിയന്ത്രണങ്ങള് ഏര്പ്പെടുത്തുന്നത്. അടിയന്തര ചികിത്സക്കായി പോകുന്നവരെയടക്കം നിയന്ത്രണങ്ങള് ഏറെ ബാധിക്കും
അതേസമയം കേരളത്തില് നിന്നുള്ളവര്ക്കു കര്ണാടക വീണ്ടും കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി. തലപ്പാടി അതിര്ത്തിയില് കാസര്ഗോട്ടുനിന്നുള്ള കെ.എസ.്ആര്.ടി.സി. ബസുകളടക്കം തടഞ്ഞു. നാട്ടുകാര് പ്രതിഷേധിച്ചതോടെ ഇന്നലത്തേക്കു മാത്രം ഇളവനുവദിച്ചു.
എന്നാല്, 72 മണിക്കൂറിനുള്ളിലെടുത്ത കോവിഡ് നെഗറ്റീവ് സര്ട്ടിഫിക്കറ്റില്ലാതെ ഇന്നുമുതല് അതിര്ത്തി കടക്കാന് അനുവദിക്കില്ലെന്നാണു മുന്നറിയിപ്പ്. കഴിഞ്ഞമാസവും കോവിഡിന്റെ പേരില് അതിര്ത്തി അടയ്ക്കാന് കര്ണാടക നടപടി സ്വീകരിച്ചിരുന്നു. കാസര്ഗോട്ടുനിന്ന് ദക്ഷിണ കന്നഡ ജില്ലയിലേക്ക് അഞ്ച് റോഡുകളിലൂടെ മാത്രമേ നിയന്ത്രണങ്ങളോടെ പ്രവേശനം അനുവദിക്കൂവെന്നായിരുന്നു കഴിഞ്ഞമാസം 16-ന് ഇറക്കിയ ഉത്തരവ്. ഇതിനെതിരേ ശക്തമായ പ്രതിഷേധമുയര്ന്നതോടെ കര്ണാടക അയഞ്ഞു. തുടര്ന്ന്, അതിര്ത്തിയിലെ പരിശോധന ഒഴിവായിരിക്കേയാണു കാര്യങ്ങള് വീണ്ടും തകിടം മറിഞ്ഞത്.
കര്ണാടക മുഖ്യമന്ത്രി ബി.എസ്. യെദിയൂരപ്പ വിളിച്ചുചേര്ത്ത ഉന്നതതലയോഗത്തിലാണു കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കാന് തീരുമാനിച്ചത്. ദക്ഷിണകന്നഡ ജില്ലാഭരണകൂടം തുടര്നടപടികള്ക്കു നിര്ദേശം നല്കിയതോടെ അതിര്ത്തിയില് പരിശോധനയാരംഭിച്ചു. ഇന്നും തടഞ്ഞാല് ശക്തമായ പ്രക്ഷോഭത്തിനാണു വിവിധ സംഘടനകളുടെ തീരുമാനം.
വ്യാജ കോവിഡ് സര്ട്ടിഫിക്കറ്റുകളുമായി അതിര്ത്തി കടക്കാനുള്ള ശ്രമങ്ങള് കര്ണാടക ഉദ്യോഗസ്ഥര് പിടികൂടിയതോടെ മാക്കൂട്ടം ചെക്പോസ്റ്റില് കുടക് ജില്ലാ അധികൃതര് നിയന്ത്രണം കടുപ്പിച്ചു.
നിലവില് ആര്.ടി.പി.സി.ആര്. പരിശോധന നടത്തി കോവിഡ് നെഗറ്റീവ് സര്ട്ടിഫിക്കറ്റുമായി എത്തുന്നവരെയാണു മാക്കൂട്ടത്തുനിന്ന് കടത്തിവിടുന്നത്. സ്ഥിരംയാത്രക്കാര്ക്കും ചരക്കുവാഹനത്തൊഴിലാളികള്ക്കും 14 ദിവസവും മറ്റുള്ളവര്ക്ക് 72 മണിക്കൂറുമാണു സര്ട്ടിഫിക്കറ്റ് കാലാവധി. വ്യാജ സര്ട്ടിഫിക്കറ്റുമായി എത്തുന്നവരുടെ എണ്ണം കൂടിയതോടെ ചെക്പോസ്റ്റില് മറ്റൊരു കൗണ്ടര്കൂടി തുറന്നു. പോലീസിന്റെ എണ്ണവും വര്ധിപ്പിച്ചു.
https://www.facebook.com/Malayalivartha
